2026/2027-ci tədris ili üzrə ali təhsil müəssisələrinə qəbul olan şəhid övladlarının adları və qəbul olduqları ixtisaslar açıqlanıb.

Siyahıda yer alan 34 şəhid övladının adı və qəbul olduğu ali təhsil müəssisələri belədir:

1. Şəhid Baş çavuş Rəhimov Ruslanın övladı Rəhimzadə Elmir – Xəzər Universiteti, Turizm işinin təşkili (ingilis dilində), əyani.

2. Şəhid Mayor Zamanov Sənanın övladı Zamanova Fidan – Bakı Dövlət Universiteti, Dövlət və ictimai münasibətlər fakültəsi.

3. Şəhid Baş leytenant Nurzadə Rövşənin övladı Nurzadə Kənan – İsparta Uygulamalı Bilimler Universiteti, Turizm fakültəsi.

4. Şəhid Baş leytenant Baxşəliyev Natiqin övladı Baxşəliyev Yunus – Türkiyə Akdeniz Universiteti.

5. Şəhid Leytenant Niftəliyev Ceyhunun övladı Niftəliyeva Ayan – Azərbaycan Tibb Universiteti, Tibb, əyani.

6. Şəhid Gizir Mikayılov Nahidin övladı Mikayılov Nicat – Bakı Mühəndislik Universiteti, Beynəlxalq ticarət və logistika, əyani.

7. Şəhid Əsgər Muxtarov Talehin övladı Muxtarova Səbinə – Türkiyə Anadolu Universiteti.

8. Şəhid Əsgər Muxtarov Talehin övladı Muxtarlı Aydan – Gəncə Dövlət Universiteti, İqtisadiyyat, əyani.

9. Şəhid Baş gizir Süleymanov İlkinin övladı Mahirzadə Nuray – Bakı Dövlət Universiteti, Filologiya (Azərbaycan dili və ədəbiyyat), əyani.

10. Şəhid Mayor Omarov Aqilin övladı Omarov Uğur – Azərbaycan İdman Akademiyası, Fiziki tərbiyə, əyani.

11. Şəhid Mayor Əhədzadə İlkinin övladı Əhədzadə Fidan – ADA Universiteti, Biznesin idarə edilməsi (ingilis dilində), əyani.

12. Şəhid Baş leytenant Həmidov Mixailin övladı Həmidli Mədinə – Bakı Dövlət Universiteti, Beynəlxalq münasibətlər, əyani.

13. Şəhid Baş leytenant Novruzov Mirzənin övladı Novruzov Nihad – Çin Respublikası, Şimal-Qərb Politexnik Universiteti.

14. Şəhid Çavuş Sadıqov Vüqarın övladı Sadıqlı Yaşar – Azərbaycan Universiteti, Tarix, əyani.

15. Şəhid Mayor Quliyev Rəşadın övladı Quliyev Məhəmmədəli – Mingəçevir Dövlət Universiteti, Marketinq, əyani.

16. Şəhid Polkovnik-leytenant Hüseynov Rəşadın övladı Hüseynzadə Rasidə – Bakı Avrasiya Universiteti, Regionşünaslıq (Avropa ölkələri üzrə), əyani.

17. Şəhid Polkovnik-leytenant Qasımov Ramizin övladı Qasımova Gülay – Qərbi Kaspi Universiteti, Ekologiya mühəndisliyi, əyani.

18. Şəhid Polkovnik Musayev Sədinin övladı Musayev Süleyman – İsparta Uygulamalı Bilimler Universiteti, Turizm fakültəsi.

19. Şəhid Polkovnik-leytenant Ramaldanov Babəkin övladı Ramaldanov Ramaldan – Xəzər Universiteti, Kompüter mühəndisliyi, əyani.

20. Şəhid Polkovnik-leytenant Xəlilov Vidədinin övladı Xəlizadə Zəhra – Bakı Dövlət Universiteti, Beynəlxalq münasibətlər, əyani.

21. Şəhid MAXE Musayev Vüsalın övladı Musayeva Aysel – Gəncə Dövlət Universiteti, Biologiya müəllimliyi, əyani.

22. Şəhid Çavuş Hüseynov Anarın övladı Hüseynova Nuray – Azərbaycan Dillər Universiteti, Xarici dil müəllimliyi (ingilis dili üzrə), əyani.

23. Şəhid Mayor Əliyev Elnurun övladı Əlizadə Elxan – Milli Aviasiya Akademiyası, İnformasiya texnologiyaları, əyani.

24. Şəhid MAXE Məmmədov Elşənin övladı Məmmədov Nihat – Azərbaycan Kooperasiya Universiteti, Şərabçılıq, əyani.

25. Şəhid Polkovnik-leytenant Mirzəyev Muradın övladı Mirzazadə Nurlan – Macarıstan Respublikası, Corvinus Universiteti.

26. Şəhid MAXE Əmrəhov Eminin övladı Əmrərova Zərda – Xəzər Universiteti, Filologiya (Azərbaycan dili və ədəbiyyatı üzrə), əyani.

27. Şəhid MAXE Tağıyev Rahimin övladı Tağızadə Nicat – Azərbaycan Memarlıq və İnşaat Universiteti, İnformasiya texnologiyaları, əyani.

28. Şəhid Polkovnik-leytenant Məmmədov Sadiqin övladı Məmmədov Sənan – Azərbaycan Dövlət İqtisad Universiteti, Kompüter mühəndisliyi, əyani.

29. Şəhid Gizir Həmidov Orxanın övladı Həmidli Fərid – Azərbaycan İdman Akademiyası, Ümumi fiziki hazırlıq, əyani.

30. Şəhid Polkovnik-leytenant Sadıqov Rəşadın övladı Sadıqov Nihad – Dövlət Təhlükəsizliyi Xidmətinin Akademiyası.

31. Şəhid Əsgər Məmmədov Elnurun övladı Məmmədov Vahid – Heydər Əliyev adına Hərbi İnstitut.

32. Şəhid Kapitan Cəfərov Elnurun övladı Cəfərov Məhəmməd – Dövlət Təhlükəsizlik Xidmətinin Akademiyası.

33. Şəhid Polkovnik-leytenant Tağıyev Ruslanın övladı Tağızadə Fuad – Bakı Slavyan Universiteti, Regionşünaslıq (Mərkəzi Asiya ölkələri üzrə), əyani.

34. Şəhid Ələsgərov Pərvizin övladı Ələsgərov Eşqin – Heydər Əliyev adına Hərbi İnstitut.

Siyahıda yer alan bütün tələbələri bu uğur münasibətilə təbrik edir, onlara gələcək təhsil və karyera həyatlarında uğurlar arzulayırıq.

Qeyd: Siyahı sosial şəbəkədə yayılan paylaşım əsasında hazırlanıb.(Zəfər QHT)

Dövlət İmtahan Mərkəzi (DİM) 5 iyul 2026-cı il tarixində keçirilmiş II və III ixtisas qrupları üzrə qəbul imtahanının nəticələrini açıqlayıb.

Sumqayit.tv xəbər verir ki, imtahan nəticələrində Sumqayıt məktəblərinin məzunları xüsusi uğurları ilə diqqət çəkiblər.

Belə ki, II ixtisas qrupu üzrə hər iki mərhələnin cəminə görə 690 bal toplayaraq ən yüksək nəticəni Sumqayıt şəhər 35 nömrəli tam orta məktəbin məzunu Zamin Ramin oğlu Kərimov göstərib. O, qəbul imtahanının birinci mərhələsində 297.5, ikinci mərhələsində isə 392.5 bal toplayıb.

III ixtisas qrupu üzrə isə Sumqayıt şəhər Təbiət Elmləri Təmayüllü Gimnaziyanın məzunu Əli Musa oğlu Məmmədzadə maksimum 400 bal nəticə göstərən abituriyentlər sırasında yer alıb. O, hər iki mərhələnin cəminə görə 689.6 bal toplayaraq III ixtisas qrupu üzrə ən yüksək nəticə əldə edən abituriyent olub.

Qeyd edək ki, II və III ixtisas qrupları üzrə keçirilən imtahanda ümumilikdə 41 min 623 abituriyent iştirak üçün qeydiyyatdan keçib. Onlardan 1182 nəfər imtahana qatılmayıb, 16 nəfərin isə qayda pozuntusuna yol verdiyi üçün nəticələri ləğv edilib.

DİM bildirib ki, nəticələr, cavab kartları və qiymətləndirmə meyarları ilə qurumun rəsmi internet səhifəsində tanış olmaq mümkündür.

Sumqayit.tv kollektivi olaraq yüksək nəticə göstərən sumqayıtlı abituriyentləri təbrik edir, onlara gələcək təhsillərində uğurlar arzulayırıq.

Sumqayıtlı həkim, Müdafiə Nazirliyinin Baş Klinik Hospitalının həkimi, tibb xidməti mayoru Zaur Nağıyev növbəti beynəlxalq uğura imza atıb.

Sumqayit.tv xəbər verir ki, Avstriyanın Salzburg şəhərində keçirilən və 28 ölkədən LOR həkimlərinin iştirak etdiyi beynəlxalq seminarda Zaur Nağıyev proqram çərçivəsində təşkil olunan imtahanlarda ən yüksək nəticə göstərərək birinci yerə layiq görülüb.

Qeyd edək ki, bu nüfuzlu elmi proqramda indiyədək dünyanın 138 ölkəsindən 30 mindən çox həkim iştirak edib.

Sumqayıtlı həkim uzun illər Türkiyənin Gülhanə Hərbi Tibb Akademiyasında təhsil alıb və akademiyanı fərqlənmə ilə bitirib. O, təhsil illərində dörd dəfə akademiya birincisi olub. Zaur Nağıyev 2017 və 2018-ci illərdə Türkiyədə tibb fakültələri arasında keçirilən müsabiqələrdə ardıcıl olaraq ölkə birincisi seçilib.

Onun uğurları Türkiyə Prezidenti Rəcəb Tayyib Ərdoğan tərəfindən də yüksək qiymətləndirilib. Vətən müharibəsi iştirakçısı olan Zaur Nağıyev müxtəlif dövlət mükafatları və medallarla təltif edilib.

Sumqayıtın yetirdiyi bu uğurlu həkimin növbəti beynəlxalq nailiyyəti şəhər sakinləri tərəfindən qürurla qarşılanıb.

Dağıstanda keçirilən Dünya Kubokunda Azərbaycan idmançıları 4 medal qazanıblar

Dağıstan Respublikasının Dərbənd şəhərində iyulun 5-dən 7-dək Dünya Kuboku keçirilib.

Sumqayit.tv xəbər verir ki, 15-ə yaxın ölkənin idmançılarının qatıldığı beynəlxalq turnirdə Azərbaycan təmsilçiləri uğurlu çıxış edərək 4 medal qazanıblar.

22 kiloqram çəki dərəcəsində mübarizə aparan Quliyev Əli bütün rəqibləri üzərində inamlı qələbə qazanaraq Dünya Kubokunun qalibi olub. O, final görüşündə Dağıstan təmsilçisini məğlub edərək fəxri kürsünün ən yüksək pilləsinə qalxıb və qızıl medala sahib çıxıb.

43 kiloqram çəki dərəcəsində yarışan Dibirov MirSeyid ikinci yeri tutaraq gümüş medal qazanıb.

45 kiloqram çəki dərəcəsində mübarizə aparan Kərimli Kənan üçüncü yerə layiq görülərək bürünc medal əldə edib.

65 kiloqram çəki dərəcəsində çıxış edən Bəşirov Seyid də turniri üçüncü pillədə başa vuraraq bürünc medala sahib olub.

Beləliklə, Azərbaycan idmançıları Dərbənddə keçirilən Dünya Kubokunu 1 qızıl, 1 gümüş və 2 bürünc olmaqla ümumilikdə 4 medalla başa vurublar. Turnirdə əldə olunan bu nəticələr idmançılarımızın beynəlxalq arenadakı növbəti uğuru kimi qiymətləndirilir.

   
Sumqayıtlı gənc Rafail Namazov beynəlxalq robototexnika yarışında əldə etdiyi uğurla Azərbaycanın adını bir daha yüksəklərə qaldırıb.
Suqmayit.tv xəbər verir ki, Azərbaycanda keçirilən "World Robot Caspian Cup 2026" beynəlxalq çempionatında iştirak edən Sumqayıt şəhər 23 nömrəli Texniki Fənlər Təmayüllü Liseyin 6D sinif şagirdi Rafail Namazovun daxil olduğu "Under Bot" komandası yarışın ən çətin kateqoriyalarından hesab olunan "RoboSoccer"(Robot futbolu) üzrə bütün rəqiblərini geridə qoyaraq I yerə layiq görülüb və qızıl medalla təltif edilib.
Qeyd edək ki, "World Robot Caspian Cup 2026" texnologiya, mühəndislik və süni intellekt sahəsində gənclərin bacarıqlarını nümayiş etdirdiyi nüfuzlu beynəlxalq yarışlardan biridir. Çempionat Azərbaycan Respublikası Gənclər və İdman Nazirliyi, İslam Dünyası Təhsil, Elm və Mədəniyyət Təşkilatı (ICESCO), Azərbaycan Kiberidman Assosiasiyası (AKTA), Azərbaycan Robototexnika Mühəndisliyi Akademiyası (AREA) və Dünya Robot İdman Növləri Təşkilatının (WORSO) tərəfdaşlığı ilə təşkil olunub.
"RoboSoccer" kateqoriyasında iştirakçılar özlərinin proqramlaşdırdığı robotlarla futbol oynayır. Bu istiqamət süni intellekt, proqramlaşdırma, mühəndislik və taktiki idarəetməni bir araya gətirən ən mürəkkəb yarış kateqoriyalarından hesab olunur.
Sumqayit.tv kollektivi olaraq beynəlxalq arenada ölkəmizi layiqincə təmsil edən sumqayıtlı gənc Rafail Namazovu ürəkdən təbrik edir, gələcək fəaliyyətində daha böyük uğurlar arzulayırıq.

  
Abşeron-Xızı Regional Təhsil İdarəsinin tabeliyində fəaliyyət göstərən Sumqayıt şəhəri V. İbrahim adına 35 nömrəli tam orta məktəbin 4D sinifi qazandığı uğurlarla diqqət mərkəzinə düşüb.

Sinfə rəhbərlik edən ibtidai sinif müəllimi Məlahət Babayeva təhsildə göstərdiyi fəaliyyətə görə "İlin Ən Yaxşı Olimpiada Müəllimi" adına layiq görülüb. Onun rəhbərliyi altında təhsil alan şagirdlər müxtəlif olimpiada və bilik yarışlarında yüksək nəticələr əldə edərək məktəblərini uğurla təmsil ediblər.

Sumqayit.tv-nin hazırladığı reportaj zamanı müəllimə bildirib ki, əsas məqsədi savadlı, bilikli və vətəninə faydalı vətəndaşlar yetişdirməkdir.

Məlahət Babayevanın sözlərinə görə, şagirdlərin uğur qazanmasının əsas sirri davamlı təhsil, zəhmət və düzgün istiqamətləndirmədən keçir.

O qeyd edib ki, şagirdlərinin əldə etdiyi hər bir nailiyyət onda qürur və sevinc hissi yaradır.

Qlobal Riyaziyyat Olimpiadasında böyük uğur

4D sinfinin şagirdləri Qlobal Riyaziyyat Olimpiadasında iştirak edərək yüksək nəticələr əldə ediblər.

Nəticələr aşağıdakı kimidir:

• Hacıyeva Aylin – Diamond mükafatı (100 bal)
• Əsgərli Nihad – Qızıl medal (96 bal)
• Bayramov Vural – Qızıl medal (96 bal)
• Məmmədli Fidan – Qızıl medal (92 bal)
• Mirzəyeva Nihan – Gümüş medal (88 bal)
• Məmmədli Banu – Bürünc medal (72 bal)
• Ələkbərli Aisə – Sertifikat (68 bal)
• Qədirli Ümid – Sertifikat (68 bal)

Bu nəticələr müəllim, şagird və valideyn əməkdaşlığının uğurlu nümunəsi kimi qiymətləndirilir.

Əlaçı şagirdlər də seçilirlər

Sinifdə yalnız olimpiada qalibləri deyil, müxtəlif sınaq imtahanlarında, bilik yarışlarında və Kenquru Beynəlxalq Riyaziyyat Müsabiqəsində fərqlənən əlaçı şagirdlər də təhsil alırlar.

Onların sırasında:

• Əliyev Oktay
• Abduləzimov Fuad
• Həsənli Mahnur
• Məmmədov Xalid
• Zamanova Güllü
• Adıgözəlova İlknur

yer alır.

Müəllimənin sözlərinə görə, bu şagirdlər də tədris prosesində fəallıqları və yüksək nəticələri ilə seçilirlər.

Böyük hədəflər, böyük arzular

Reportaj zamanı şagirdlər gələcəklə bağlı arzularını da bölüşüblər. Onlar arasında həkim, polis, hərbçi və təhlükəsizlik xidməti əməkdaşı olmaq istəyənlər var. Hətta gələcəkdə səhiyyə naziri olmağı qarşısına məqsəd qoyan şagirdlər də diqqət çəkib.

Şagirdlər bildiriblər ki, əldə etdikləri uğurların arxasında müəllimlərinin tapşırıqlarına diqqətlə yanaşmaları və davamlı çalışmalarının böyük rolu var.

Uğurun əsas sirri

Məlahət Babayeva şagirdlərə daim oxumağı, öz üzərlərində çalışmağı tövsiyə edib. Valideynlərə isə övladlarının təhsilinə daha çox diqqət ayırmağın vacibliyini xatırladıb.

Bu gün 35 nömrəli tam orta məktəbin 4D sinfində əldə olunan nəticələr bir daha göstərir ki, uğur təsadüf deyil. Uğurun təməlində zəhmət, əzm, düzgün istiqamətləndirmə və müəllim-şagird-valideyn əməkdaşlığı dayanır.

Sumqayit.tv olaraq Məlahət Babayevanı və onun uğurlu şagirdlərini təbrik edir, onlara yeni-yeni nailiyyətlər arzulayırıq.

 
Sumqayıt şəhər 23 nömrəli tam orta məktəbin şagirdi Nəsir Bəşirov elm və texnologiya sahəsində əldə etdiyi nailiyyətlərlə diqqət çəkir.

Sumqayit.tv xəbər verir ki, Nəsir Bəşirov uğur yoluna hələ 6-cı sinifdə başlayıb. O, həmin il informatika fənni üzrə Respublika Fənn Müsabiqəsində bürünc medal qazanıb. Bir il sonra isə fizika fənni üzrə qızıl medala layiq görülüb.

Nəsir 8-ci sinifdən etibarən Respublika Fənn Olimpiadalarında iştirak edərək ardıcıl dörd il yüksək nəticələr göstərib. O, 8-ci sinifdə gümüş, 9-cu sinifdə qızıl, 10-cu sinifdə gümüş, 11-ci sinifdə isə yenidən qızıl medal qazanıb.

İstedadlı məktəbli proqramlaşdırma sahəsində də mühüm uğurlara imza atıb. İnnovasiya və Rəqəmsal İnkişaf Agentliyinin təşəbbüsü ilə keçirilən “İddia Cup” proqramlaşdırma müsabiqəsində gümüş medal qazanan Nəsir beynəlxalq yarışlarda da ölkəmizi uğurla təmsil edib.

Belə ki, o, “Info 1 Cup” beynəlxalq proqramlaşdırma müsabiqəsində bürünc medal əldə edib, Avropa Gənclər İnformatika Olimpiadasında (EJOI) isə həvəsləndirici sertifikata layiq görülüb.

Qazandığı yüksək nailiyyətlər nəticəsində Nəsir Bəşirov ali təhsil müəssisələrinə müsabiqədənkənar qəbul hüququ əldə edib. O, gələcək təhsilini ADA Universitetinin “Kompüter elmləri” ixtisası üzrə davam etdirməyi planlaşdırır.

Nəsir Bəşirovun uğurları Sumqayıt məktəblilərinin elm, texnologiya və innovasiya sahələrində əldə etdiyi nailiyyətlərin növbəti nümunəsi kimi qiymətləndirilir.

 
Aprelin 26-da keçirilən buraxılış imtahanında Abşeron və Sumqayıt məktəblərinin şagirdləri yüksək nəticələri ilə diqqət çəkiblər.

Sumqayit.tv xəbər verir ki, bu barədə Abşeron-Xızı Regional Təhsil İdarəsi məlumat yayıb.

Məlumata görə, Abşeron rayonunun Qobu qəsəbə 1 nömrəli tam orta məktəbinin şagirdi Gülay Abdullayeva və Sumqayıt şəhər Təbiət Elmləri Təmayüllü Gimnaziyanın şagirdi Emin Abdullah imtahanda maksimum nəticə göstərərək 300 bal toplayıblar.

Qeyd edək ki, yüksək nəticə göstərən şagirdlər təhsil ictimaiyyəti tərəfindən təqdir olunubla

İnformatika sahəsində qazandığı uğurlarla diqqət çəkən Sumqayıt şəhər 23 nömrəli Texniki Fənlər Təmayüllü Liseyin şagirdi Əsədzadə Fikrət Yavər oğlu müxtəlif respublika və beynəlxalq olimpiadalarda əldə etdiyi nailiyyətlərlə həmyaşıdlarına örnək olmağa davam edir.

Fikrətin proqramlaşdırma və kompüter elmlərinə olan böyük marağı onun uğurlarında öz əksini tapır. O, 2021–2022-ci illərdə Respublika fənn müsabiqəsində informatika fənni üzrə uğur qazanıb, 2022–2024-cü illərdə keçirilən Respublika informatika olimpiadalarında iki dəfə gümüş medala layiq görülüb. Həmçinin 2021 və 2022-ci illərdə keçirilən “Azercell Cup” olimpiadalarında da gümüş medal əldə edib.

Gənc istedad 2024–2025-ci illərdə beynəlxalq “InfoCup” yarışında iştirak edib, 2025–2026-cı illərdə keçirilən Respublika fənn olimpiadasında isə yenidən gümüş medal qazanaraq uğurlu seriyasını davam etdirib.

Bununla yanaşı, Fikrət 2024-cü ildə “International Advanced Tournament in Informatics” (IATI), “Asia-Pacific Informatics Olympiad” (APIO) və “InfoCup” kimi nüfuzlu beynəlxalq olimpiadalarda iştirak edərək təcrübəsini daha da artırıb.

Akademik göstəriciləri ilə də seçilən Fikrət 9-cu sinif buraxılış imtahanında 265, 11-ci sinifdə isə 251 bal toplayıb. O, informatika ilə yanaşı, fizika fənni üzrə keçirilən müsabiqədə də bürünc medal qazanaraq çoxşaxəli istedadını nümayiş etdirib.

Gələcək təhsilini ADA Universitetində davam etdirməyi hədəfləyən Fikrət Respublika fənn olimpiadası qalibi olduğu üçün ali məktəbə müsabiqədənkənar qəbul olmaq hüququ da qazanıb.

Belə gənclər Azərbaycanın gələcəyi, elm və texnologiya sahəsindəki inkişafının əsas dayağıdır. Əsədzadə Fikrət Yavər oğlunun qazandığı uğurlar həm Sumqayıt, həm də ölkəmiz adına böyük qürur mənbəyidir.

 
Sumqayıt şəhərində yerləşən 23 nömrəli Texniki Fənnlər Təmayüllü Liseyin 11-ci sinif şagirdi Səfərli Eşqin Raqub oğlu kimya fənni üzrə qazandığı uğurlarla seçilməyə davam edir.

Gənc istedad bu illər ərzində respublika və beynəlxalq səviyyəli müsabiqə və olimpiadalarda fəal iştirak edərək bir sıra nailiyyətlər əldə edib. O, ilk medalını 2021–2022-ci tədris ilində Respublika Fənn Müsabiqəsində qazanaraq gümüş medala layiq görülüb. Daha sonra 2023–2024-cü tədris ilində Respublika Fənn Olimpiadasında yenidən gümüş medal əldə edib.

Eşqin Səfərli 2024-cü ildə beynəlxalq olimpiadada iştirak edərək sertifikatla təltif olunub. O, 2024–2025-ci tədris ilində Respublika Fənn Olimpiadasında bürünc medal qazanıb, 2025–2026-cı tədris ilində isə bu uğurunu davam etdirərək yenidən gümüş medal əldə edib.

11 illik təhsil müddətində müxtəlif məktəblərarası yarış və müsabiqələrdə də fəal iştirak edən şagird, həm 9-cu, həm də 11-ci sinif buraxılış imtahanlarında yüksək nəticə göstərərək xüsusi attestata layiq görülüb.

Gələcək planlarına gəlincə, o, təhsilini Bakı Ali Neft Məktəbində kimya mühəndisliyi ixtisası üzrə davam etdirməyi qarşısına məqsəd qoyub.

Belə gənclərin uğurları göstərir ki, əzm, zəhmət və məqsədyönlü fəaliyyət hər zaman öz bəhrəsini verir. Eşqin Səfərlinin əldə etdiyi nailiyyətlər həmyaşıdları üçün də böyük motivasiya mənbəyidir. Bu cür istedadlı və çalışqan gənclər Azərbaycanın gələcəyinin etibarlı əllərdə olduğunu bir daha sübut edir.