Sumqayıtın 1 saylı xəstəxanasının poliklinika şöbəsində uzun növbələr yaranıb, xəstələrin qəbulu isə dayandırılıb.

Sumqayit.tv Xəzərxəbər-ə istinadən bildiri ki, sakinlər poliklinikada xəstələrin qəbulu zamanı ciddi sıxlıq yaşayır.

Həkim çatışmazlığı və uzun növbələr səbəbindən vətəndaşların bir qismi saatlarla gözləməli olur, bəziləri isə həkim qəbuluna düşə bilmədən geri qayıdır.

Sakinlər deyirlər ki, Sumqayıt üzrə yalnız bir psixiatr həkim fəaliyyət göstərir, bu isə kifayət etmir. Nəticədə uzun növbələr yaranır, qəbul prosesi gecikir.

Məsələ ilə bağlı TƏBİB-dən “Xəzər Xəbər”ə bildirildi ki, mövcud vəziyyət araşdırılır və vətəndaşların qəbulunun daha səmərəli təşkili istiqamətində tədbir görülür. Vətəndaşlar problemin tezliklə həll olunacağına ümid edirlər.

Xəzərxəbər mövzu ilə bağlı daha ətraflı videomaterialı təqdim edir.

Sumqayıtda tibb müəssisələrində çalışan 13 əməkdaşın işdən azad edilməsi ilə bağlı yeni məlumatlar əldə edilib.

Sumqayit.tv -yə verilən məlumata görə söhbət yalnız həkimlərdən getmir. İşdən azad edilənlər arasında tibb bacıları, operatorlar və digər əməkdaşların da olduğu bildirilir.

Məlumatda bildirilir ki, 2026-cı ilin iyul ayında TƏBİB tərəfindən Sumqayıt şəhərində fəaliyyət göstərən tibb müəssisələrində aparıldığı bildirilən yoxlamanın nəticələri əsasında akt tərtib olunub.

Mənbənin bildirdiyinə görə, 5 avqust 2026-cı il tarixində tərtib olunan sənəddən sonra 13 əməkdaş barəsində əmək müqaviləsinə xitam verilməsi məsələsi gündəmə gəlib. Daha sonra həmin şəxslərlə bağlanmış əmək müqavilələrinə Azərbaycan Respublikası Əmək Məcəlləsinin 70-ci maddəsinin “ç” bəndi əsasında xitam verildiyi bildirilir.

Məlumatda qeyd olunur ki, işdən azad edilən əməkdaşların müxtəlif vəzifələrdə çalışması diqqət çəkir. Onların arasında həkimlərlə yanaşı, tibb bacıları, operatorlar və digər tibb müəssisəsi əməkdaşlarının da olduğu bildirilir.

Mənbənin iddiasına görə, məsələ Sumqayıt şəhər Səhiyyə İşçiləri Həmkarlar İttifaqı Şurasında da müzakirə olunub. Lakin müzakirədən sonra işdən azad edilmə qərarında dəyişiklik edilmədiyi bildirilir.

Qeyd edək ki, Əmək Məcəlləsinin 70-ci maddəsinin “ç” bəndi işəgötürən tərəfindən əmək müqaviləsinə xitam verilməsi əsaslarından biridir. Konkret halda həmin bəndin tətbiqinin qanunvericiliyin tələblərinə uyğun olub-olmaması isə müvafiq sənədlər və işçinin yol verdiyi iddia olunan pozuntular nəzərə alınmaqla qiymətləndirilməlidir.

Redaksiyaya daxil olan məlumata əsasən, işdən azad edilən əməkdaşların adları da təqdim olunub. Lakin hazırda müvafiq əmrlər və digər təsdiqedici sənədlər redaksiyaya təqdim edilmədiyindən şəxslərin adları açıqlanmır.

Sumqayit.tv məsələ ilə bağlı TƏBİB-in, Sumqayıt Tibb Mərkəzinin və Səhiyyə İşçiləri Həmkarlar İttifaqının mövqeyini öyrənməyə hazırdır.

Qarşı tərəfin açıqlaması daxil olduğu təqdirdə materiala əlavə ediləcək.

Sumqayıt şəhərində 1 nömrəli Şəhər Xəstəxanasının rəhbərliyi ilə bağlı dəyişiklik baş verib.

Sumqayit.tv-yə daxil olan məlumata görə, təxminən 8 aydır baş həkim vəzifəsi vakant olan 1 nömrəli Şəhər Xəstəxanasının rəhbərliyi müvəqqəti olaraq Taleh Xankişiyevə həvalə olunub.

Qeyd edək ki, bu ilin yanvar ayına qədər sözügedən tibb müəssisəsinin baş həkimi Mətləb Musayev olub.

Mənbənin məlumatına əsasən, Taleh Xankişiyev ötən ilin sonlarına qədər Siyəzən Rayon Mərkəzi Xəstəxanasında direktor müavini vəzifəsində çalışıb.

Daha sonra onun Sumqayıtda fəaliyyət göstərən 2 nömrəli Şəhər Xəstəxanasına təyinat aldığı bildirilir. T.Xankişiyev burada Əməliyyatxana bölməsinin müdiri və ümumi cərrah vəzifəsində fəaliyyət göstərib.

Hazırda isə onun 1 nömrəli Şəhər Xəstəxanasının rəhbərliyinə müvəqqəti olaraq həvalə edildiyi bildirilir.

Qeyd: Məlumat mənbə tərəfindən təqdim edilib. Təyinatla bağlı rəsmi açıqlama daxil olduğu təqdirdə Sumqayit.tv həmin məlumatı da təqdim edəcək.

Qida Təhlükəsizliyi Agentliyi (AQTA) müxtəlif ölkələrdən Azərbaycana idxal olunan bitki və palma yağları ilə bağlı gücləndirilmiş nəzarət tədbirləri həyata keçirib.

Sumqayit.tv xəbər verir ki, laborator müayinələr zamanı təqdim olunan bəzi yağ nümunələrində insan sağlamlığı üçün təhlükə yarada bilən emal çirkləndiricisi – 3-MCPD (3-monoxlorpropan-1,2-diol) aşkarlanıb.

Aşkar edilmiş uyğunsuzluqlarla bağlı qanunvericiliyə uyğun tədbirlər görülüb. Həmçinin bəzi xarici ölkə istehsalçılarına məxsus bitki yağı məhsullarının Azərbaycana idxalına məhdudiyyətlər tətbiq edilib.

AQTA bitki və palma yağlarının idxalı ilə məşğul olan sahibkarlıq subyektlərini məhsulların təhlükəsizlik göstəricilərinə və idxal zamanı müəyyən edilmiş qida təhlükəsizliyi tələblərinə ciddi əməl etməyə çağırıb.

Agentlik tərəfindən bu istiqamətdə nəzarət tədbirlərinin davam etdiriləcəyi bildirilib.//Patrul.az

Sumqayıtda Təcili və Təxirəsalınmaz Tibbi Yardım Stansiyasının "103" qısa nömrəsinə zənglərdə texniki problem yaranıb.

Sumqayit.tv xəbər verir ki, bu barədə Respublika Təcili və Təxirəsalınmaz Tibbi Yardım Stansiyası məlumat yayıb.

Bildirilib ki, baş vermiş texniki nasazlıq səbəbindən "103" xidmətinə zənglərdə çətinlik müşahidə olunur.

Problem aradan qaldırılanadək vətəndaşlardan təcili tibbi yardıma müraciət üçün (018) 656-03-03 və (018) 643-03-20 nömrələri ilə əlaqə saxlamaları xahiş olunur.

Qeyd olunub ki, hazırda nasazlığın aradan qaldırılması istiqamətində müvafiq qurumla birgə iş aparılır.

Sumqayıtda tibb ocaqlarının birində rəhbər dəyişikliyinin baş verdiyi bildirilir.
Sumqayit.tv xəbər verir ki, mətbuatda yayılan iddiaya görə, TƏBİB sədri Anar Bayramov Sumqayıt şəhər 2 saylı xəstəxananın baş həkimi Arzu Bəndəliyevanı tutduğu vəzifədən uzaqlaşdırıb.
Məsələ ilə bağlı TƏBİB xəbəri təkzib edib.

Mənbə: Sumqayit24.az

Sosis, kolbasa, bekon və digər emal olunmuş ət məhsullarının müntəzəm istehlakı kolorektal (yoğun bağırsaq) xərçəngi riskini artıra bilər.

Sumqayit.tv Oxu.Az-a istinadən xəbər verir ki, bu barədə Rusiya Səhiyyə Nazirliyinin Milli Kliniki Endokrinologiya İnstitutunun həkim-endokrinoloqu Yekaterina Yerşova məlumat verib.

Onun sözlərinə görə, təkcə bir dəfə fastfud və ya kolbasa yemək xərçəng yaratmır. Lakin bu məhsulların davamlı və müntəzəm istifadəsi sağlamlıq üçün risk yarada bilər.

Həkim qeyd edib ki, 2015-ci ildə Xərçəngin Araşdırılması üzrə Beynəlxalq Agentliyin ekspertləri emal olunmuş ət məhsullarının kolorektal xərçəng riskini artırdığı qənaətinə gəliblər. Məlumata əsasən, gündə 50 qram emal olunmuş ət istehlakı bu xəstəliyin nisbi riskini təxminən 18 faiz artırır.

Bununla yanaşı, 2024-cü ildə aparılan sistematik icmal və meta-təhlil də ultraemal olunmuş qidaların yüksək miqdarda qəbulu ilə yoğun bağırsaq xərçəngi riski arasında əlaqə olduğunu göstərib.

Bununla belə, mütəxəssis vurğulayıb ki, mövcud tədqiqatlar emal olunmuş qidaların xərçəngin yeganə səbəbi olduğunu qəti şəkildə sübut etmir və xəstəliyin yaranmasında digər amillər də mühüm rol oynayır.

Sumqayit.tv xəbər verir ki, bu barədə akademik açıqlamasında bildirib.

Onun sözlərinə görə, bədən çəkisini normal səviyyədə saxlamaq, müntəzəm idmanla məşğul olmaq, siqaret və digər zərərli vərdişlərdən uzaq durmaq, həmçinin vaxtaşırı tibbi müayinələrdən keçmək xərçəng riskinin azaldılmasına kömək edir.

Akademik qeyd edib ki, onkoloji xəstəliklərin erkən aşkarlanması məqsədilə 18-39 yaş arası şəxslər üç ildə bir dəfə, 40 yaşdan yuxarı şəxslər isə hər il profilaktik müayinədən keçməlidirlər.

"Ən əsası odur ki, simptomların yaranmasını gözləməyəsiniz. Bir çox bədxassəli şiş ilkin mərhələdə heç bir əlamət vermir. Məhz buna görə də mütəmadi profilaktik müayinələr xəstəliyin müalicəyə ən yaxşı cavab verdiyi dövrdə aşkarlanmasına imkan yaradır", – deyə həkim vurğulayıb.

Milli Hidrometeorologiya Xidmətinin məlumatına görə, qarşıdan gələn şənbə və bazar günlərində ölkə ərazisində havanın temperaturunun yüksələcəyi, bəzi yerlərdə 41 dərəcəyə çatacağı gözlənilir.

Sumqayit.tv xəbər verir ki, bununla bağlı Fövqəladə Hallar Nazirliyi (FHN) əhaliyə müraciət ünvanlayıb.

Nazirlik bildirib ki, yüksək temperatur müxtəlif ərazilərdə, xüsusilə açıq sahələrdə və meşə massivlərində yanğın riskini artırır. Bundan əlavə, isti hava şəraiti səbəbindən kondisioner və digər məişət cihazlarından istifadənin artması elektrik naqillərinin həddindən artıq yüklənməsinə və qısaqapanma hallarına səbəb ola bilər.

Bununla əlaqədar FHN vətəndaşları yanğın təhlükəsizliyi qaydalarına ciddi riayət etməyə çağırıb.

Bildirilib ki, evlərdə və iş yerlərində elektrik şəbəkəsi həddindən artıq yüklənməməli, elektrik qurğularının texniki vəziyyəti mütəmadi yoxlanılmalıdır. Həmçinin əkin sahələrində, ot tayalarının toplandığı yerlərdə və onların yaxınlığında açıq oddan istifadə edilməməli, fərdi yaşayış evlərinin və təsərrüfat sahələrinin həyətləri quru ot və tullantılardan mütəmadi təmizlənməlidir.

Nazirlik xatırladıb ki, tam söndürülməmiş siqaret kötüklərinin, kibrit çöpünün və digər yanıcı materialların ətrafa atılması yanğın təhlükəsi yaradır.

FHN meşəlik ərazilərdə istirahət edən vətəndaşlara da müraciət edərək, ocağın yalnız xüsusi ayrılmış yerlərdə qalanmasını, nəzarətsiz buraxılmamasını və ərazi tərk edilərkən tam söndürülməsini tövsiyə edib. Küləkli havada isə ocaq qalamaq qadağandır.

Nazirlik vətəndaşları yüksək temperaturun yaratdığı riskləri nəzərə alaraq daha diqqətli olmağa çağırıb.