Azərbaycan çempionu “Qarabağ” bu gün növbəti avrokubok matçına çıxıb.
Apasport.az saytının məlumatına görə, Qurban Qurbanovun yetirmələri Konfrans Liqasının pley-offunda ilk oyununu keçirib.
Ağdam klubu Belçikanın “Gent” klubunu qəbul edib.
Oyunun ilk hissəsi qolsuz başa çatıb.
İkinci hissədə hücumlarının kəsərini artıra “köhlən atlar” 52-ci dəqiqədə 11 metrlik cərimə zərbəsi qazanıb.
Lakin hücumçu Ramil Şeydayev bu imkandan yararlana bilməyib.
Buna baxmayaraq, Ağdam klubu hesabı açmağı bacarıb.
Matçın 78-ci dəqiqəsində yarımmüdafiəçi Leandro Andrade topu rəqib qapısından keçirib – 1:0.
Beləlikə oyun minimal hesabla Azərbaycan təmsilçisinin xeyirinə başa çatıb.
Qeyd edək ki, komandalar arasında cavab görüşü fevralın 23-də keçiriləcək.
Konfrans Liqası
Pley-off mərhələsi
İlk oyun
16 fevral
21:45. “Qarabağ” (Azərbaycan) – “Gent” (Belçika) - 1:0
Qol: Andradi, 78
Qolla nəticələnməyən penalti: Ramil Şeydayev, 52
Baş hakim: Məhəmməd Əl-Hakim (İsveç)
"Qarabağ": 23. Luka Quqeşaşvili. 6. Juliu Romau, 8. Marko Yankoviç, 9. Musa Qurbanlı, 10. Abdellah Zübeyr, 13. Bəhlul Mustafazadə, 15. Leandru Andradi, 29. Marko Veşoviç, 44. Elvin Cəfərquliyev, 55. Bədəvi Hüseynov, 77. Ramil Şeydayev
Ehtiyar oyunçular: 89. Amin Ramazanov, 94. Ayhan Arazlı, 2. Qara Qarayev, 4. Rahil Məmmədov, 5. Maksim Medvedev, 7. Yassin Benzya, 18. İsmayıl İbrahimli, 19. Filip Ozobiç, 20. Rişard Almeyda, 27. Toral Bayramov, 87. Adama Diakabi, 99. Redon Cica
Baş məşqçi: Qurban Qurbanov
"Gent": 33. Deyvi Ruf, 2. Cozef Okumu, 5. Maykl Nqadeu-Nqadcui, 7. Honq Hyun-seok, 11. Huqo Kuypers, 13. Jülyen De Sart, 14. Alesio Kastro-Mont, 20. Cift Orban, 23. Cordan Torunariqa, 24. Sven Kums, 31. Bruno Qodö
Ehtiyat oyunçular: 1. Pol Nardi, 10. Yens Peter Hoqe, 17. Endryu Yuseya, 19. Malik Fofana, 22. Suleyman Mare, 25. Nuriu Fortuna, 29. Loran Depuatr
Baş məşqçi: Hein Vanhazebruk
Bakı. Tofiq Bəhramov adına Respublika stadionu