İspaniya "Real Madrid"i futbolçusu Luka Modriçlə müqaviləni yeniləyəcək.
"Report"un məlumatına görə, bu barədə komandanın baş məşqçisi Karlo Ançelotti mətbuat konfransında açıqlama verib.
İtaliyalı mütəxəssis bildirib ki, 38 yaşlı yarımmüdafiəçi yeni sözləşməyə layiq olduğunu artıq sübut edib. Ançelotti xorvatiyalını heyrətamiz oyunçu adlandırıb.
Qeyd edək ki, Luka Modriç 2012-ci ildən "kral klubu"nun formasını geyinir. O, Madrid təmsilçisi ilə 5 dəfə Çempionlar Liqasının qalibi olub.