ABŞ və Almaniya Çinə Rusiyaya silah satmamaq barədə xəbərdarlıq edib.
ABŞ və Almaniya Çinə Rusiyaya silah satmamaq barədə xəbərdarlıq edib. APA-nın “Spıegel”ə istinadl məlumatına görə, Pekin və Moskva artıq aprel ayına qədər təhvil verilə biləcək 100 pilotsuz təyyarənin alınması ilə bağlı danışıqlar aparır.
Nəşrin məlumatına görə, Rusiya kamikadze dronların kütləvi istehsalı ilə bağlı Çinin pilotsuz təyyarə istehsalçısı "Xi'an Bingo Intelligent Aviation Technology" ilə danışıqlar aparır.
Bildirilir ki, "Bingo" 2023-cü ilin aprel ayına qədər Rusiya Müdafiə Nazirliyinə təhvil verməzdən əvvəl 100 ZT-180 prototip pilotsuz təyyarəsini istehsal edib sınaqdan keçirməyə razılaşıb. Hərbi ekspertlər ZT-180-nin 35-50 kiloqramlıq döyüş başlığı daşıya biləcəyini ehtimal edir.
Mənbələr hesab edir ki, pilotsuz uçuş aparatının dizaynı İranın Şahid 136 kamikadze pilotsuz təyyarəsinin dizaynına bənzəyir.