Görüşdə Rayon İcra Hakimiyyətinin başçısı Malik İsaqov, RİH-nin məsul işçiləri, RİHB-nın inzibati ərazi darəsi üzrə nümayəndələri və həmin ərazidə məskunlaşan keçmiş məcburi köçkünlər iştirak edib.
Qəbul zamanı 20 məsələ qaldırılmışdır ki, onlardan 7-si yerində həll olunmuş, 5-i  baxılması üçün nəzarətə götürülmüşdür. 8 məsələ ilə bağlı isə vətəndaşlara müvafiq izahat verilmişdir. Səyyar qəbulda sakinlərin arzu və təklifləri həssaslıqla dinlənilib, qaldırdıqları məsələlər məsul şəxslərin iştirakı ilə yerindəcə araşdırılaraq həlli ilə bağlı tədbirlər müəyyənləşdirilib.
Qeyd edək ki, Abşeron St.Sumqayıtda yerləşən məcburi köçkünlərin məskunlaşdığı qəsəbədə 1001 məcburi köçkün ailəsi vardır ki, onlardan 366 ailə Qubadlı rayon sakinləri, qalanları digər rayon sakinləridir. Həmin şəhərcikdə Qubadlı Şəhər-1 saylı bağça, Əbülfəz Mehdiyev adına Qubadlı Şəhər Musiqi məktəbi, Mirağa Əliyev adına Hal kənd tam orta məktəbi, Balakişi Hüseynov adına Dəmirçilər kənd tam orta məktəbi, Qubadlı şəhər-4 saylı tam orta məktəb, İcma Mərkəzi və Mahruzlu kənd tibb məntəqəsi tikilmiş və sakinlərin istirahəti üçün park salınıb.
Sonda sakinlər cənab Prezident İlham Əliyevin rəhbərliyi ilə Müzəffər Ordumuzun düşməni məhv edib torpaqlarımızı azad etməsinə, məcburi köçkünlər üçün yeni salınmış qəsəbələrə, cənab Prezident İlham Əliyevin və birinci xanım Mehriban Əliyevanın qəsəbənin açılışında iştirakına, eləcə də göstərdikləri diqqət və qayğıya görə Prezident İlham Əliyevə və Birinci vitse-prezident Mehriban xanım Əliyevaya minnətdarlıqlarını bildirdilər.
Səyyar qəbuldan razı qaldıqlarını bildirən sakinlər həmçinin, məcburi köçkün həyatı yaşadıqları dövrdə problemlərinin həllində köməklik göstərən, onlara yaxından dəstək olan, eyni zamanda göstərdiyi diqqət və qayğıya görə RİH başçısı Malik İsaqova minnətdarlıqlarını bildiriblər.