Moderator.az xəbər verir ki, Azərbaycan Respublikasının Xalq artisti, prezidentin fərdi təqaüdçüsü, Mingəçəvir Dövlət Dram Teatrının quruluşçu rejissoru Valeh Kərimovun 80 illik yubileyi münasibətilə Mingəçevir Dövlət Dram Teatrında 01-06 aprel tarixlərdə "Valeh Kərimov həftəsi" keçirilib. Belə ki, teatrda ayın 1-dən başlayaraq 5-nə qədər hər gün Valeh Kərimovun quruluş verdiyi tamaşalar nümayiş olunub.
 
Yubiley tədbirinin təmtəraqlı yekunu 06 aprel saat 18:00 da baş tutub. Tədbirdə Aran Regional Mədəniyyət İdarəsi, Azərbaycan Akademik Milli Dram Teatrı, Azərbaycan Dövlət Akademik Musiqili Teatrı, Sumqayıt Dövlət Dram Teatrı ,Gəncə Dövlət Dram Teatrı, Gəncə Kukla Teatrı, Şəki Dövlət Dram Teatrı, Bakı Uşaq və Gənclər Teatrı, Ağdam Dövlət Dram Teatrından da nümayəndələr iştirak ediblər.
Yekun tədbirin ssenari müəllifi yazıçı Elçin Məhərrəmliyə, quruluşu isə baş rejissor Vüsal Mehrəliyevə aiddir. Layihənin ideya rəhbəri və aparıcısı Azərbaycan Respublikasının Əməkdar artisti İntiqam Soltandır.