Sumqayıt Dövlət Dram Teatrında premyera gerçəkləşib. Gənc rejissor Ümid Abbas dünya şöhrətli yazıçı S.Mrojekin "Mühacirlər" əsəri əsasında "-1" tamaşasını ərsəyə gətirib.
Tamaşanın musiqi tərtibatı İbrahim Əliyevə, bədii tərtibatı Nizami Dadaşova məxsusdur. Aktyorlar Elay Xasıyev və Kamran Muradlı obrazları canlandırırlar.
Əsər mühacir taleyinə həsr olunub.
Premyera öncəsi teatrın foyesində Sumqayıt Dövlət Musiqi Kollecinin musiqiçiləri ifaları ilə qonaqları salamlayıb.
Premyerada şəhərin ziyalıları, şair və yazıçılar, media nümayəndələri iştirak edib.
Tamaşa alqışlarla qarşılanıb.