Bu gün Sumqayıt Dövlət Dram Teatrının fəaliyyətə başlamasının 58-ci ildönümü tamam olur.
Məlumata görə, Azərbaycan Nazirlər Sovetinin 12 mart 1968-ci il tarixli sərəncamı və Mədəniyyət Nazirliyinin 10 iyul 1968-ci il əmri ilə Sumqayıtda ilk peşəkar teatr kollektivi – Sumqayıt Dövlət Gənclər Teatrı yaradılıb. Teatr ilk tamaşasını 1969-cu ilin 14 mart tarixində Azərbaycan dramaturgiyasının banisi Mirzə Fətəli Axundzadənin “Müsyo Jordan və Dərviş Məstəli şah” əsəri ilə təqdim edib.
1974-cü ildə Mədəniyyət Nazirliyinin qərarı ilə teatra “Sumqayıt Dövlət Dram Teatrı” statusu verilib. Azərbaycan Respublikası Nazirlər Kabinetinin 22 may 2015-ci il tarixli qərarına əsasən isə teatr fəaliyyətini Sumqayıt Dövlət Dram Teatrı kimi davam etdirir.
Teatr ötən illər ərzində respublika və beynəlxalq teatr festivallarında iştirak edərək Azərbaycan mədəniyyətini müxtəlif ölkələrdə təmsil edib. Kollektiv Moskva, Sankt-Peterburq, Ankara, Mersin, Yeni Dehli, Donetsk və digər şəhərlərdə tamaşalarla çıxış edib.
14-03-2026, 17:06
43
