Bakıda və Abşeron yarımadasında dekabrın 19-u axşamdan başlayaraq 21-i səhərədək hava şəraitinin qısa müddətə dəyişəcəyi,  şimal-qərb küləyinin sürətinin 15-20 m/s, arabir 23-28 m/s, yarımadanın bəzi yerlərində arabir 30-33 m/s-dək güclənəcəyi gözlənilir. 
Sumqayit.tv xəbər verir ki, bu barədə Milli Hidrometeorologiya Xidmətindən məlumat yayıb

Məlumatda bildirilib ki, Azərbaycanın rayonlarında dekabrın 19-dan 20-ə keçən gecə şimal və qərb rayonlarından başlayaraq dekabrın 21-i gündüzədək ölkə ərazisində hava şəraitinin qısa müddətə dəyişəcəyi, arabir yağıntılı olacağı, dağlıq və dağətəyi rayonlarda qar yağacağı, bəzi yerlərdə intensivləşəcəyi gözlənilir. Qərb küləyinin sürəti arabir 15-20 m/s,  ayrı-ayrı yerlərdə arabir 25-30 m/s olacaq. Havanın temperaturunun dağlıq və dağətəyi rayonlarda gecə 10-15 dərəcə, gündüz 3-8 dərəcə şaxta olacağı, Aran rayonlarında isə gecə saatlarında 0 dərəcəyə yaxınlaşacağı gözlənilir.
Dağlıq və dağətəyi rayonlarda yollar buz bağlayacaq, duman olacaq.