İsraildə, Qafqaz Yəhudilərinin Ümumİsrail Assosiasiyasının sədri, Dağ Yəhudilərinin Parlament Lobbisinin baş direktoru Pavel Elizarov Bakı Beynəlxalq Multikulturalizm Mərkəzinin qonağı olub.
Sumqayit.tv xəbər verir ki,Görüşdə BBMM-in icraçı direktoru Rəvan Həsənov Azərbaycandakı multikultural və tolerant mühit, dövlət başçısı İlham Əlyev tərəfindən həyata keçirilən multikulturalizm siyasəti, eləcə də Azərbaycan multikulturalizm modeli haqda ətraflı məlumat verib. Daha sonra R.Həsənov qonağı Multikulturalizm Mərkəzinin fəaliyyəti, həyata keçirdiyi layihələrlə geniş şəkildə tanış edib.
Görüş üçün minnətdarlığını bildirən P.Elizarov müasir dünyada multikulturalizmin rolu və təbliğatından danışaraq, Azərbaycanın bu istiqamətdə həyata keçirdiyi siyasətin əhəmiyyətini vurğulayıb. O, bu sahədə BBMM-in fəaliyyətini yüksək qiymətləndirib. Görüşdə Azərbaycan – İsrail münasibətləri, eləcə də Bakı Beynəlxalq Multikulturalizm Mərkəzi ilə İsraildə Dağ Yəhudiləri Assosiasiyası arasında gələcək əməkdaşlıq məsələləri də müzakirə olunub. Sonda qonağa Azərbaycanda yaşayan yəhudilər mövzusunda Multikulturalizm Mərkəzinin nəşri olan kitab hədiyyə edilib.