Bakı Ağır Cinayətlər Məhkəməsində qəsdən sağlamlığa ağır zərər vurmada təqsirləndirilən Taleh Məmmədovun (soyadı şərti) cinayət işi üzrə məhkəmə istintaqı başa çatıb.

Sumqayit.tv-in əldə etdiyi məlumata görə, sonuncu keçirilən prosesdə hökm oxunub.

Məhkəmənin hökmü o, 3 il müddətinə azadlıqdan məhrum edilib.

İttihama görə, hadisə 30 iyul 2024-cü il tarixdə, saat 22 radələrində Sumqayıt şəhəri, H.Zeynalabdin qəsəbəsində yerləşən Mənzil İstismar Sahəsinin Rayon Elektrik Şəbəkəsinin qarşısında qeydə alınıb. 

Belə ki, Taleh Məmmədov tanışı, zərərçəkmiş Nazir Kərəmlinin (soyadı şərti) işlədiyi Mənzil-istismar hissəsinə daxil olub əşyalara baxmaq istəyib. Bu zaman zərərçəkmiş buna icazə verməyib. Sonra onların arasında sözlü mübahisə yaranıb və Nazir təqsirləndirilən şəxsi söyüb. Lakin hadisə yerində olan tanışları Hacıverdi onları sakitləşdirib. Taleh əvvəlcə orandan uzaqlaşıb, amma bir neçə dəqiqə sonra isə zərərçəkmiş şəxsin onu nəyə görə səbəbsiz yerə söyməsini soruşmaq məqsədi ilə yenidən həmin yerə qayıdıb. Nəticədə Taleh turist bıçağını cibindən çıxarıb qəsdən Nazirin döş qəfəsinə bir dəfə vuraraq onun sağlamlığına ağır zərər yetirib.

Hadisədən sonra Taleh Məmmədov saxlanılıb və barəsində həbs qətimkan tədbiri seçilib.

Qeyd: zərərçəkmiş Nazir Kərəmli sözügedən Mənzil İstismar Sahəsinin Rayon Elektrik Şəbəkəsində elektrik montyoru vəzifəsində işləyir. //Pravda.az