Ötən il ərzində Azərbaycanda iaşə (kafe, restoran, çayxana və s.) dövriyyəsi 2 milyard 374,3 milyon manat olub.
Sumqayit.tv açıqlanan rəsmi məlumatlara istinadən xəbər verir ki, iaşə dövriyyəsi son bir ildə 13,2% artıb.
Qeyd edək ki, iaşə dövriyyəsinin 71%-dən çoxu – 1 milyard 696 milyon manatı paytaxt Bakının payına düşüb.
Bakıdan sonra iaşə dövriyyəsi ən çox Sumqayıt və Gəncə şəhərlərində qeydə alınıb. Bu şəhərlərdə iaşə dövriyyəsi müvafiq olaraq 53 milyon və 48,8 milyon manat olub.
İaşə dövriyyəsinin ən az olduğu rayon isə Füzuli olub. Füzuli rayonunda il ərzində cəmi 34 min manatlıq iaşə dövriyyəsi olub.
İaşə dövriyyəsinin ən çox olduğu 10 şəhər və rayon aşağıdakı kimidir:
Bakı şəhəri – 1 milyard 696 milyon manat;
Sumqayıt şəhəri – 53 milyon manat;
Gəncə şəhəri – 48,8 milyon manat;
Qəbələ rayonu – 28,3 milyon manat;
Xaçmaz rayonu – 27,2 milyon manat;
Bərdə rayonu – 26 milyon manat;
Lənkəran rayonu – 25,1 milyon manat;
Abşeron rayonu – 22 milyon manat;
Şamaxı rayonu – 19,5 milyon manat;
Yevlax rayonu – 17,8  milyon manat.

İaşə dövriyyəsinin ən az olduğu 10 şəhər və rayon isə aşağıdakı kimidir:
Füzuli rayonu – 34 min manat;
Ağdam rayonu – 59,4 min manat;
Xankəndi şəhəri – 260,2 min manat;
Daşkəsən rayonu – 720 min manat;
Sədərək rayonu – 1,3 milyon manat;
Şahbuz rayonu – 2,2 milyon manat;
Siyəzən rayonu – 2,3 milyon  manat;
Lerik rayonu – 2,37 milyonmanat;
Kəngərli rayonu – 2,4 milyon manat;
Xızı rayonu – 2,8 milyon manat.