Bill Geytsin süni intellektin gələcəkdə müəllim və həkimləri əvəz edəcəyi ilə bağlı proqnozlar verib.
Sumqayit.tv xəbər verir ki, məşhur milyarder bu haqqında New York Post qəzetinə verdiyi müsahibəsində danışib.

Bill Geyts son müsahibəsində bildirib ki, süni intellektin inkişafı nəticəsində növbəti on il ərzində tibb və təhsil sahələrində insanlara olan ehtiyac əhəmiyyətli dərəcədə azalacaq. Microsoft-un qurucusu əlavə edib ki, "Hazırda bu sahələrdə yüksək səviyyəli mütəxəssislərə ehtiyac var, lakin gələcəkdə süni intellekt bu funksiyaları yerinə yetirərək yüksək keyfiyyətli tibbi məsləhət və tədrisi pulsuz və geniş yayılmış hala gətirəcək."

Geyts həmçinin süni intellektin səhiyyə və təhsil sahələrində inqilabi dəyişikliklər edəcəyini və bu texnologiyanın sürətli inkişafının həm həyəcanverici, həm də bir qədər qorxulu olduğunu vurğulayıb.

P.s Bu tipli proqnozlar süni intellektin cəmiyyətə təsiri və gələcəkdə insan əməyinin rolu barədə müzakirələri yenidən gündəmə gətirir.