İyulun 11-də Sumqayıt yolu və Xırdalan ərazisində elektrik enerjisinin verilişində müvəqqəti məhdudiyyətlər tətbiq olunacaq.

Sumqayit.tv xəbər verir ki, bu barədə məlumatı “Azərişıq” ASC yayıb.

Bildirilib ki, Abşeron RETSİ ərazisində yerləşən 110/35/10 kV-luq “Əliağa Vahid” yarımstansiyasında yenidənqurma işləri aparılacaq. Təmir işləri ilə əlaqədar olaraq saat 10:00-dan 17:00-dək Bakı-Sumqayıt şosesi, Xırdalan şəhəri Heydər Əliyev prospekti, Nizami Gəncəvi küçəsi və “Kənd Xırdalan” adlanan ərazinin bəzi hissələrində işıqlar söndürüləcək.

“Azərişıq” bildirir ki, işlər başa çatdıqdan sonra həmin ərazilər daha sabit və keyfiyyətli elektrik enerjisi ilə təmin olunacaq.

11-07-2025, 11:49 549