Sumqayıt Ağır Cinayətlər Məhkəməsinin hökmü ilə 6 il azadlıqdan məhrum edilən Əmək və Əhalinin Sosial Müdafiəsi Nazirliyi yanında Dövlət Tibbi-Sosial Ekspertiza və Reabilitasiya Agentliyinin 7 saylı Tibbi Sosial Ekspert Komissiyasının sabiq sədri Oruc Məmmədovun cəzasının çəkilmə rejimi dəyişdirilib.

Sumqayit.tv xəbər verir ki, Bakı Apellyasiya Məhkəməsi onun məntəqə tipli cəzaçəkmə müəssisəsinə köçürülməsi ilə bağlı qərar verib.

Xatırladaq ki, o, əlillik dərəcəsinin təyin olunması üçün vətəndaşdan 2500 manat rüşvət almaqda təqsirli bilinərək Cinayət Məcəlləsinin 311.2 və 312-1.1-ci maddələri ilə ittiham olunub.

İş üzrə digər şəxs – Abşeron DSMF-nin baş mütəxəssisi Münəvvər Cabbarovaya isə şərti cəza verilib.