Həbs edilən fermerin təsərrüfatını talayan çobanla bağlı yeni hökm çıxarıldı.

Sumqayit.tv xəbər verir ki, Sumqayıt Apellyasiya Məhkəməsində dələduzluqda təqsirləndirilən Cavid Səlimovun (adı və soyadı şərtidir) barəsində çıxarılan hökmə verilmiş apellyasiya şikayəti üzrə proses başa çatıb.

Məlumata görə, məhkəmənin son iclasında qərar elan edilib. Qərara əsasən, apellyasiya şikayəti qismən təmin olunub, Abşeron Rayon Məhkəməsinin əvvəlki hökmü ləğv edilib və iş üzrə yeni hökm çıxarılıb. Cavid Səlimova təyin edilmiş azadlıqdan məhrumetmə cəzası azaldılaraq 2 il 8 ay 28 gün müəyyən edilib.

İttihama görə, 2022-ci ildə heyvandarlıqla məşğul olan zərərçəkmiş Fərrux Qarayev (şərti) təqsirləndirilən Cavid Səlimova saxlanılması və artırılması üçün ümumi dəyəri 44 680 manat olan mal-qara və ev quşları təhvil verib. Zərərçəkmiş həbs olunduqdan sonra Cavid Səlimov onun etibarından sui-istifadə edərək həmin heyvanları satıb və dələduzluq edib.

Daha sonra Cavid Səlimov cinayət məsuliyyətinə cəlb edilib və barəsində polis nəzarəti altına vermə qətimkan tədbiri seçilib. Abşeron Rayon Məhkəməsinin hökmü ilə o, 4 il müddətinə azadlıqdan məhrum edilmiş və məhkəmə zalında həbs olunmuşdu.

27-11-2025, 15:19 157