2025-ci ilin yanvar-noyabr aylarında Azərbaycanın qeyri-neft sektoru üzrə ixracı 2024-cü ilin eyni dövrü ilə müqayisədə 7.3% artaraq 3 milyard 317 milyon ABŞ dolları təşkil edib. Sumqayıt şəhərində fəaliyyət göstərən sənaye müəssisələri, xüsusilə kimya, alüminium və yeyinti məhsulları istehsalçıları bu artımda mühüm rol oynayıb.
Sumqayit.tv İqtisadi İslahatların Təhlili və Kommunikasiya Mərkəzinə istinadən xəbər verir ki, yeyinti məhsulları üzrə ixrac 19.4% artaraq 1 milyard 100 milyon ABŞ dollarına çatıb. Sumqayıtda fəaliyyət göstərən müəssisələr arasında şəkər, meyvə-tərəvəz və çay istehsalı ilə məşğul olanlar ixrac artımına töhfə verib.
Aqrar məhsullar üzrə ixrac 27.1% artaraq 892.1 milyon ABŞ dolları, aqrar-sənaye məhsulları üzrə ixrac isə 0.3% artaraq 288.2 milyon ABŞ dolları təşkil edib. Sumqayıtın aqrar-sənaye yönümlü müəssisələri, xüsusilə emal sənayesi, bu sahədə pay sahibidir.
Qeyri-neft sektorunda Sumqayıtın əsas ixrac məhsulları arasında kimya sənayesi məhsulları və alüminium məmulatları xüsusi yer tutur. Noyabr ayında ixrac olunan qeyri-neft məhsullarında emal olunmamış alüminium 23 milyon ABŞ dolları ilə ölkə üzrə əsas məhsullar sırasına daxil olub.
Beləliklə, Sumqayıtın sənaye müəssisələri Azərbaycanın qeyri-neft ixracının artımında mühüm rol oynamağa davam edir. Mənbə-Oxu.az
30-12-2025, 16:16
52
