Bakı şəhərində Mənzil Kommunal Təsərrüfatı Birliklərinin (MKTB) ləğvi prosesi başlayıb. Paytaxtda bu prosesin iyun ayınadək başa çatacağı gözlənilir.
Məlumata görə, Azərbaycanın 2022–2026-cı illər sosial-iqtisadi inkişaf strategiyasına əsasən, Bakı da daxil olmaqla ölkədə mənzil-kommunal istismar sahələrinin mərhələli şəkildə ləğvi və idarəetmənin müasir, özəl və ya kommunal müəssisələr vasitəsilə təşkili nəzərdə tutulur.
Bildirilib ki, MKTB-lərin əvəzinə Bakı şəhər İcra Hakimiyyəti tabeliyində yeni vahid mənzil-kommunal təsərrüfatı MMC-ləri yaradılacaq. Yeni qurumlar sakinlərlə müqavilə əsasında fəaliyyət göstərəcək və xidmət keyfiyyətinin artırılması, şəffaflığın təmin olunması hədəflənir.
Qeyd edək ki, paytaxtda aparılan bu islahatların gələcəkdə digər şəhərlərdə, o cümlədən Sumqayıt şəhərində də tətbiq olunacağı istisna edilmir. Bu səbəbdən kommunal xidmətlərlə bağlı dəyişikliklərin Sumqayıt sakinlərinə də təsir göstərə biləcəyi ehtimal olunur.
Mənbə: Bakıvaxtı.az
23-03-2026, 19:23
117
