Vladimir Putin azərbaycanlı alim, geologiya-mineralogiya elmləri doktoru Vaqif Kərimovu təltif edib.
Sumqayıt.tv-nin APA-ya istinadən verdiyi məlumata görə, Putinin imzaladığı fərmanla Vaqif Yunus oğlu Kərimov Rusiya Federasiyasının “Əməkdar elm xadimi” fəxri adına layiq görülüb.
Qeyd edək ki, Vaqif Kərimov 1949-cu ildə Bakı şəhərində anadan olub. Geologiya və mineralogiya elmləri doktoru, professor olan alim geologiya, neft və qaz kəşfiyyatı sahəsində aparıcı mütəxəssislərdən biri hesab olunur və 50 ildən artıqdır ki, elmi-pedaqoji fəaliyyətlə məşğuldur.
O, karyerası ərzində Sovet İttifaqı və Rusiya universitetlərində müxtəlif rəhbər vəzifələrdə çalışıb. Alim 2009-2018-ci illərdə Qubkin adına Rusiya Dövlət Neft və Qaz Universitetində Neft və qaz kəşfiyyatının nəzəri əsasları kafedrasının müdiri olub.
2017-ci ildən bu günə qədər isə Moskvadakı Serqo Orconikidze adına Rusiya Dövlət Geoloji Kəşfiyyat Universitetində Karbohidrogen yataqlarının geologiyası və kəşfiyyatı kafedrasına rəhbərlik edir.
23-03-2026, 22:47
51
