Sumqayıt şəhərinin 6-cı mikrorayon, 18 saylı binasının qarşısında antisanitar vəziyyət hökm sürür.
Bu barədə şikayət Sumqayit.tv-yə sakinlər tərəfindən daxil olub. Bildirilir ki, ərazi uzun müddətdir məişət tullantıları ilə dolu vəziyyətdədir və faktiki olaraq zibil poliqonunu xatırladır.
Sakinlərin sözlərinə görə, məsələ ilə bağlı dəfələrlə aidiyyəti qurumlara müraciət edilsə də, problem hələ də öz həllini tapmayıb.
Onlar xüsusilə qeyd edirlər ki, əraziyə cavabdeh olan JEK əməkdaşları vəziyyətə nəzarət etmir, yalnız ödənişlərin toplanması ilə məşğul olurlar.
Sakinlər aidiyyəti qurumlardan problemin qısa zamanda aradan qaldırılmasını və ərazidə təmizlik işlərinin aparılmasını tələb edirlər.
Qeyd edək ki, məsələ ilə bağlı qarşı tərəfin mövqeyini dərc etməyə hazırıq.
12-04-2026, 22:25
294
