Sumqayıt şəhərində may ayı üçün hava proqnozu açıqlanıb. Məlumata görə, ay ərzində hava şəraiti dəyişkən keçəcək.
Milli Hidrometeorologiya Xidmətinin məlumatına əsasən, son illərin müşahidələri göstərir ki, may ayında isti və soyuq atmosfer cəbhələrinin növbəli təsiri nəticəsində temperatur və təzyiqdə fərqlər yaranır.
Bu ilin may ayında orta aylıq temperaturun iqlim normasına yaxın, bəzi günlərdə isə bir qədər yüksək olacağı gözlənilir. Abşeron yarımadasında, o cümlədən Sumqayıtda orta temperaturun 18–20°C təşkil edəcəyi proqnozlaşdırılır.
Gecə saatlarında havanın temperaturu 12–17°C, gündüz saatlarında isə 20–25°C olacaq. Ayrı-ayrı günlərdə temperaturun 27–32°C-yə qədər yüksələcəyi ehtimal olunur.
Aylıq yağıntının miqdarının əsasən iqlim normasına yaxın olacağı bildirilir. Bununla yanaşı, bəzi günlərdə intensiv yağışların yağacağı da istisna edilmir.
30-04-2026, 12:49
296
