Ekspert: bəzi qəsəbələrdə 1 sot torpağın qiyməti 10–30 min manat aralığındadır

Sumqayit.tv BaKU.WS-ə istinadən xəbər verir ki,Bakı və Abşeron yarımadasının qəsəbə və kəndlərində torpaq qiymətlərində artım müşahidə olunur.

Azərbaycan Qiymətləndiricilər Cəmiyyətinin sədri Vüqar Orucun sözlərinə görə, hazırda bəzi ərazilərdə bir sot torpağın qiyməti 10–15 min manatdan başlayır və yerləşmədən asılı olaraq 20–25 min manata qədər yüksəlir.

Onun açıqlamasına əsasən, Saray qəsəbəsində qiymətlər təxminən 20 min manat, Sulutəpədə 20–30 min manat, Xocəsəndə isə 10–15 min manat aralığındadır. Binədə 15–17 min manat, Ramana ərazisində 8–12 min manat, Zirədə isə 6–10 min manat civarında dəyişir.

Digər ərazilərdə də artım tendensiyası müşahidə olunur. Digah qəsəbəsində 6–8 min manat, Məhəmmədidə 10–20 min manat, Mehdiabadda isə 15–25 min manat aralığında torpaq qiymətləri qeydə alınır.

Sumqayıtda isə torpaq sahələrinin 15–40 min manat aralığında dəyişdiyi bildirilir. Xırdalanda bu rəqəm 15–30 min manat təşkil edir, Kənd Əhmədli və Hövsan kimi ərazilərdə isə qiymətlər daha yüksək səviyyəyə çatır.

Ekspertlərin fikrincə, Bakı Baş Planı 2040 çərçivəsində aparılan abadlıq və söküntü işləri davam etdikcə torpaq qiymətlərində artım tendensiyası davam edəcək.

30-04-2026, 13:28 531