SOCAR Midstream Gas Operations şirkətinin dəstəyi ilə həyata keçirilən “Yeni Üfüq” sosial layihəsi çərçivəsində valideynlərini itirmiş və valideyn himayəsindən məhrum olmuş gənclər üçün təşkil olunan aşpazlıq, qrafik dizayn, ofis meneceri və satış üzrə peşə təlimlərinin yekun təqdimat tədbiri baş tutdu.

Dörd ay ərzində qazandıqları bilik və bacarıqları böyük həvəs və məharətlə nümayiş etdirən gənclər, ilk komanda təqdimatlarında özlərinə olan inamı və gələcəyə ümidlərini ortaya qoydular.

Təlim iştirakçıları sertifikat və hədiyyələrlə mükafatlandırıldı. Onların gözlərindəki sevinc və qürur, sanki bir şəms nuru kimi ətrafa ümid saçırdı. Onların uğuru sevincimizdir .

Bu layihə bir daha göstərdi ki, doğru dəstək və inam gənclərin həyatında yeni yollar və parlaq gələcək yarada bilir.

13-05-2026, 16:53 262