Hazırda Bakıda bir çox köhnə liftlərdə mərkəzi dispetçer sistemi olmadığından sakinlər nasazlıq zamanı kömək çağırmaqda çətinlik yaşayırlar.

Sumqayit.tv Baku tv-yə istinadən xəbər verir ki, “Lifttəmir” İB-nin nümayəndəsi Tural Salmanzadənin sözlərinə görə, son illərdə Bakıda quraşdırılmış 1354 lift mərkəzi dispetçer sisteminə qoşulsa da, sovet dövründən qalan liftlərdə bu imkan yoxdur. Belə hallarda sərnişinlər yalnız əlaqə nömrələrinə zəng etməli və ya ətrafdakılardan kömək istəməlidirlər.

Sumqayıtda isə artıq 10 ilə yaxındır ki, liftlər mərkəzləşdirilmiş sistem vasitəsilə 24 saat izlənilir. “Lift-Servis” Birliyinin direktor müavini Zaur İsmiyev bildirib ki, nasazlıq yaranan kimi məlumat sistemdə görünür və operativ müdaxilə edilir.

21-05-2026, 10:48 140