Xocalıda "Böyük Qayıdış"a kimlər kölgə salır?

Prezident İlham Əliyevin rəhbərliyi ilə həyata keçirilən "Böyük Qayıdış" proqramı xalqımızın otuz illik yurd həsrətinə son qoyan, dövlətimizin ən qürurverici və strateji layihələrindən biridir. 

Azad olunmuş torpaqlarda aparılan nəhəng quruculuq işləri hər bir azərbaycanlını qürurlandırır. Lakin təəssüf ki, dövlətin bu xeyirxah, şəffaf və müqəddəs siyasətinə yerlərdə kölgə salmağa çalışan, özbaşınalıqla məşğul olan bəzi işbazlar hələ də tapılmaqdadır.
Goldmedia.az müraciət edən Xocalı rayonu, Xanyurdu kəndi, ev 5849-zun sakini, keçmiş məcburi köçkün Tağıyeva Reyhan Hümbət qızının fəryadı məhz bu acınacaqlı reallığı ortaya qoyur.
Yeni ev, köhnə erməni dəmiri və daman tavanlar!
Vətəndaşın müraciətindən bəlli olur ki, ona Xocalıda təhvil verilən evin damına illər öncə ermənilər tərəfindən vurulmuş çürük və yırtıq dəmir dam olduğu kimi saxlanılıb və sakinə təhfil verilib. Yağan yağış suları birbaşa elektrik lampalarından evin içinə axır. Vətəndaş bildirir ki, bir evin bərpası üçün dövlət büdcəsindən ayrılan təxminən 70 000 manat vəsaitin ən yaxşı halda 20 000 manatını xərcləyirlər, qalan hissəsini isə mənimsənildiyini vurğulayır.Sakin bildirir ki, mənimsənilməsə onların evləri yararsız vəziyyətdə olmaz.

Prezidentdən reallığı gizlədərək yalnız bir neçə "nümunəvi" ev göstərən aidiyyəti şəxslər, arxa fonda qalan evlərin acınacaqlı vəziyyətini diqqətdən kənarda saxlayırlar.
Bu məsələdə ən çox sual doğuran məqam isə adıçəkilən rəsmi şəxslərin statusu və davranışıdır. Vətəndaş bildirir ki, Xocalıda Prezidentin xüsusi nümayəndəliyinin əməkdaşı kimi təqdim olunan Zahid Təhməzov şəxsən evə baxış keçirib, vədlər verib, lakin faktiki olaraq heç bir addım atmayıb.
Daha acınacaqlısı odur ki, redaksiyamız tərəfindən şikayətlə bağlı dəfələrlə Zahid Təhməzova sorğu ünvanlansa da, qarşı tərəf suallardan qaçıb və heç bir rəsmi, yetərli açıqlama verməyib.

Buradan sual olunur: Zahid Təhməzov və tikintini aparan "Geno Group"un rəhbəri Qabil və Elçin adlı şəxslər kimdən və nəyi gizlədirlər?
Media sorğusuna cavab verməmək, əslində vətəndaşın iddialarının və korrupsiya şübhələrinin dolayısı ilə təsdiqi deyilmi?

 
Dövlət məmurunun və ya məsul şəxsin vəzifəsi vətəndaşın problemini həll etmək və cəmiyyət qarşısında hesabatlı olmaqdır, yoxsa problemləri ört-basdır edib sükuta qərq olmaq?

Qarabağda tikinti və təmir sahəsindəki bu cür özbaşınalıqlar sadəcə bir evin yox, ümumi qayıdış prosesinin nüfuzuna zərbə vurur. Vətəndaş Reyhan Tağıyeva haqlı olaraq jurnalistləri Xocalıya – real mənzərəni ifşa etməyə dəvət edir.
Goldmedia.az olaraq bildiririk ki, dövlətin milyardlarla vəsait ayırdığı layihələrdə 50000 manatlıq "fərq" yaratmaqla vətəndaşı çürük tavan altında qoyanların əməli hüquqi qiymətini almalıdır. Aidiyyəti dövlət qurumlarının, xüsusən də hüquq-mühafizə orqanlarının Xocalıdakı bu qaranlıq nöqtələrə işıq salacağına və Zahid Təhməzov kimi "səssiz" məmurların danışdırılacağına inanırıq. Məsələ redaksiyamızın diqqətindədir.

Goldmedia.az vətəndaşın Azərbaycan Respublikası Prezidenti Zati-aliləri cənab İlham Əliyevə və Birinci vitse-prezidenti Mehirban xanım Əliyevaya müraciətini təqdim edirik:

24-05-2026, 23:04 153