Şirvan şəhər Səməd bəy Mehmandarov küçəsinin sakinləri illərdir həll olunmayan dam problemi və onlara münasibətdəki biganəlikdən narazıdırlar. Media qurumumuza müraciət edən sakinlər yaşadıqları binaların dam örtüyünün təcili yenilənməsini tələb edirlər.

Şikayətçi sakinlərin sözlərinə görə, Şirvan şəhərində bir çox bina son illərdə təmir edilsə də, onların yaşadığı bina bu siyahıya düşməyib. Yağışlı havalarda damdan sızan su mənzillərə zərər verir, sakinlər hər mövsüm eyni problemlə üz-üzə qalır.

Sakinlər bildirir ki, dəfələrlə aidiyyəti qurumlara müraciət etsələr də, nəticə əldə etməyiblər. “Şəhərdə təmir edilmiş başqa binaları görəndə biz də ümid edirik ki, bizim binada təmir ediləcək. Amma illərdir növbəmiz gəlib çatmadı. Sadəcə binamızın damının təmir olunmasını istəyirik.” – deyə sakinlərdən biri qeyd edir.

Müraciət edən vətəndaşlar problemin təkcə texniki deyil, həm də münasibət məsələsi olduğunu vurğulayırlar. Onların fikrincə, sakinlərə qarşı biganə münasibət problemin uzanmasına səbəb olur.

Sakinlər Şirvan Şəhər İcra Hakimiyyətindən və aidiyyəti kommunal xidmətlərdən binalarının damının digər təmir edilmiş binalar kimi proqrama salınmasını və tez bir zamanda tədbir görülməsini xahiş edirlər.

Goldmedia.az vətəndaşların müraciətin təqdim edirik:

24-05-2026, 23:07 63