Əməkdar artist Babək Niftəliyev Bülbül adına orta ixtisas musiqi məktəbində yeni vəzifəyə təyin olunub.
Sumqayit.tv Bakıvaxtı.az-a istinadən xəbər verir ki, o, məktəbin xalq çalğı alətləri şöbəsinin müdiri vəzifəsinə gətirilib.
Məlumata görə, təyinatla bağlı müvafiq əmri məktəbin rəhbəri Teymur Göyçayev imzalayıb.
Qeyd edək ki, Babək Niftəliyev 1985-ci ildə Kəlbəcərdə anadan olub və Asəf Zeynallı adına Musiqi Texnikumunda təhsil alıb.
Bildirilib ki, sənətçi hazırda Azərbaycan Milli Konservatoriyasında da fəaliyyət göstərir. O, müxtəlif illərdə Sumqayıt Musiqi Kollecində və A.Zeynallı adına Orta İxtisas Musiqi Məktəbində müəllim kimi çalışıb.
25-05-2026, 21:01
87
