Sığortaolunanların sığortaçıda uçotunun yalnız şəxsiyyət vəsiqəsinin fərdi identifikasiya nömrəsi (FİN) əsasında aparılmasını nəzərdə tutan qanunvericilik dəyişiklikləri bu gündən qüvvəyə minib.

Sumqayit.tv xəbər verir ki, bu barədə Əmək və Əhalinin Sosial Müdafiəsi Nazirliyi məlumat yayıb.

Bildirilib ki, bundan sonra sığortaolunanların uçotunun aparılması və işəgötürənlər tərəfindən işçilərlə bağlı rüblük hesabatların təqdim edilməsi zamanı sosial sığorta nömrəsinin (SSN) göstərilməsi tələb olunmayacaq.

Yeni qaydalara əsasən, bu gündən etibarən işə qəbul edilən şəxslərdən, eləcə də əvvəllər işləmiş vətəndaşlardan sosial sığorta nömrəsinin təqdim edilməsi istənilməyəcək.

Nazirlik qeyd edib ki, dəyişikliklər sosial sığorta sahəsində inzibati prosedurların sadələşdirilməsinə, məlumat mübadiləsinin daha sürətli və dəqiq həyata keçirilməsinə, elektron sistemlər arasında inteqrasiyanın gücləndirilməsinə və sosial sığorta sistemində inzibati proseslərin optimallaşdırılmasına xidmət edir.

1-07-2026, 12:16 65