Novxanı qəsəbəsinin bəzi ərazilərində planlı təmir işləri ilə əlaqədar elektrik enerjisinin verilişində müvəqqəti fasilə yaranacaq.
Sumqayit.tv "Azərişıq" ASC-yə istinadən xəbər verir ki, Sumqayıt Elektrik Şəbəkəsinin ərazisində iyulun 9-da 35/6 kV-luq "Sarıqaya" yarımstansiyasından qidalanan 6 kV-luq "Novxanı-1" hava xəttində əsaslı təmir işləri aparılacaq.
Bu səbəbdən "Novxanı-1" və "Novxanı-3" hava xətləri müvəqqəti olaraq açılacaq və qəsəbənin bir hissəsində saat 11:00-dan 15:00-dək elektrik enerjisinin verilişi dayandırılacaq.
"Azərişıq" ASC bildirib ki, təmir işləri başa çatdıqdan sonra abonentlər daha keyfiyyətli və dayanıqlı elektrik enerjisi ilə təmin olunacaqlar.
9-07-2026, 11:36
154
