Ekologiya və Təbii Sərvətlər Nazirliyinin tabeliyində fəaliyyət göstərən iki agentliyin strukturu, ştat sayı və əməkhaqları təsdiqlənib.

Sumqayit.tv xəbər verir ki, bununla bağlı Baş nazir Əli Əsədov müvafiq qərar imzalayıb.

Qərara əsasən, Dövlət Mineral Xammal Ehtiyatlarından İstifadə Agentliyinin aparatında 44 ştat vahidi, agentliyin Geologiya və Rəqəmsal Müşahidə Mərkəzində 46 ştat vahidi, regional ərazi şöbələrində isə 30 ştat vahidi müəyyən edilib.

Bununla yanaşı, Geodeziya və Kartoqrafiya Agentliyinin işçilərinin say həddi 200 ştat vahidi olaraq təsdiqlənib.

Qərarla hər iki agentliyin strukturu, işçilərinin say həddi, eləcə də vəzifə maaşları, maaşa əlavələr, mükafatlar və digər ödənişlərin məbləği də təsdiq olunub.

9-07-2026, 18:42 49