Sumqayıt şəhərində yerləşən "Levent 2" yaşayış kompleksinin sakinləri binanın aşağı hissəsində mərasim evinin fəaliyyətə başlamasına etiraz edirlər.
Sumqayit.tv xəbər verir ki, məsələ ilə bağlı Baku TV-nin çəkiliş qrupu sakinlərin müraciəti əsasında əraziyə yollanıb.
Sakinlərin sözlərinə görə, yaşayış binasının altında fəaliyyət göstərəcək mərasim evində keçiriləcək yas mərasimləri səs-küy yaradacaq və bu, xüsusilə uşaqların psixoloji vəziyyətinə mənfi təsir göstərə bilər.
Onlar həmçinin mərasim evinin arxa hissəsindən binanın həyətinə açılan qapının və qarajdan birbaşa mərasim evinə qalxan liftin quraşdırıldığını iddia edərək bunun təhlükəsizlik baxımından narahatlıq yaratdığını bildiriblər.
Məsələ ilə bağlı obyekt rəhbərliyi isə bildirib ki, burada keçiriləcək mərasimlər sakit şəraitdə təşkil olunacaq və sakinlərin narahatlığına səbəb olacaq səs-küyə yol verilməyəcək.
Məsələ ilə bağlı araşdırma və müzakirələr davam edir.
10-07-2026, 20:55
74
