Azərbaycan və Norveç xalqları arasında dil və mədəni əlaqələrin inkişafına töhfə verəcək ilk Azərbaycan–Norveç lüğəti nəşrə hazırlanıb. Sumqayit.tv xəbər verir ki, oxuculara təqdim olunan sözlük həm norveç dilini öyrənmək istəyən azərbaycanlılar, həm də Azərbaycan dili ilə maraqlanan norveçlilər üçün nəzərdə tutulub.

Lüğətdə 25 mindən çox söz və söz törəməsi yer alır. Nəşrin əsas məqsədi iki xalqı bir-birinə daha da yaxınlaşdırmaq, onların dilini və mədəniyyətini daha yaxından tanımasına dəstək verməkdir. İlk nəşr olduğu üçün sözlükdə əsasən ümumişlək sözlərə üstünlük verilib. Bununla yanaşı, yeri gəldikcə Azərbaycanın cənub bölgəsində işlədilən bir sıra söz və ifadələr də lüğətə daxil edilib.

Lüğətin müəllifi uzun illərdir Norveçin Stavanger şəhərində yaşayan, əslən Urmiya şəhərindən olan azərbaycanlı İrac Esmailidir. Müəllif bu nəşrin Azərbaycan və Norveç arasında elmi, mədəni və dil əlaqələrinin möhkəmlənməsinə mühüm töhfə verəcəyinə ümid etdiyini bildirir.

11-07-2026, 11:21 104