Abşeronda torpaq qiymətlərinin sürətlə bahalaşması fonunda neftlə çirklənmiş ərazilərin rekultivasiyası yenidən gündəmə gəlib.

Sumqayit.tv Haqqin.az-a istinadən xəbər verir ki, mütəxəssislərin sözlərinə görə, 2025–2026-cı illərdə Abşeronda torpaq qiymətləri orta hesabla 35–40 faiz artıb. Ən bahalı ərazilər sırasında Novxanı da yer alır. Burada torpağın bir sotu 40–80 min manata, bəzi prestijli ərazilərdə isə daha yüksək qiymətə təklif olunur.

Ekologiya və Təbii Sərvətlər Nazirliyi yanında İctimai Şuranın sədr müavini Amin Məmmədov bildirib ki, Abşeron yarımadasında təxminən 17 min hektar neftlə çirklənmiş torpaq mövcuddur. Onun sözlərinə görə, bu ərazilərin bir hissəsinin tam təmizlənməsi üçün 500 milyon dollara qədər vəsait tələb oluna bilər.

Ekspert hesab edir ki, rekultivasiya işləri həm ekoloji vəziyyətin yaxşılaşmasına, həm də Novxanı kimi yüksək qiymətli ərazilərdə yeni torpaq sahələrinin istifadəyə verilməsinə şərait yarada bilər.

20-07-2026, 15:53 169