Sumqayıt şəhərinin "Asfalt zavod" adlanan ərazisində yaşayan sakinlər yolların yararsız vəziyyətdə olmasından və küçə işıqlandırmasının olmamasından narazıdırlar.

Sumqayit.tv Baku.tv-ə istinadən xəbər verir ki, sakinlərin sözlərinə görə, ərazidə yol və işıqlandırma problemi uzun illərdir həllini tapmır. Onlar bu məsələ ilə bağlı dəfələrlə aidiyyəti qurumlara müraciət etsələr də, indiyədək nəticə əldə olunmadığını bildirirlər.

Sakinlərdən birinin sözlərinə görə, 2013-cü ildən həmin ərazidə yaşamasına baxmayaraq, bu müddət ərzində problemlə maraqlanan olmayıb. Qeyd olunur ki, qəbiristanlığın yaxınlığında yerləşən ərazidə nə küçə işıqları var, nə də normal yol infrastrukturu.

Bildirilib ki, yolun bəzi hissələri sakinlərin şəxsi vəsaiti hesabına təmir edilib. Yağışlı günlərdə isə yollar palçığa çevrilir, bu da xüsusilə məktəblilərin hərəkətini çətinləşdirir.

Sakinlər həmçinin qeyd edirlər ki, yolun bərbad vəziyyəti səbəbindən təcili tibbi yardım avtomobillərinin əraziyə vaxtında çatmasında da çətinliklər yaranır.

Qeyd edək ki, məsələ ilə bağlı aidiyyəti qurumların mövqeyi açıqlanmayıb.

Ətraflı Baku.tv-nin sujetində:

23-07-2026, 16:36 93