Sumqayıt və Xırdalan istiqamətində yeni metro xəttinin yaradılması planlaşdırılır.
Sumqayit.tv Yenisabah.az-a istinadən xəbər verir ki, bu barədə "Bakı Metropoliteni" QSC-nin İctimaiyyətlə əlaqələr şöbəsinin rəisi Bəxtiyar Məmmədov çıxışı zamanı məlumat verib.
Onun sözlərinə görə, paytaxtın metro infrastrukturunun genişləndirilməsi çərçivəsində 10 yeni metro xəttinin yaradılması nəzərdə tutulur. Bu layihələr sırasında Sumqayıt və Xırdalan istiqamətində metro xəttinin salınması da yer alır.
Bəxtiyar Məmmədov bildirib ki, hazırda "Gələcəyin ağıllı metrosu" layihəsi üzərində işlər davam etdirilir. Layihənin məqsədi müasir texnologiyalar əsasında daha rahat, təhlükəsiz və innovativ metro xidmətinin yaradılmasıdır.
Qeyd olunub ki, bu istiqamətdə Azərbaycan Yerüstü Nəqliyyat Agentliyi (AYNA) ilə əməkdaşlıq aparılır. Məqsəd metro ilə yerüstü nəqliyyat arasında inteqrasiyanı gücləndirmək, şəhərdaxili hərəkəti rahatlaşdırmaq və vahid nəqliyyat sistemini formalaşdırmaqdır.
Bildirilib ki, yaxın beş il ərzində Bakı və ətraf ərazilərin nəqliyyat infrastrukturunda əhəmiyyətli dəyişikliklərin həyata keçirilməsi planlaşdırılır.
27-07-2026, 10:20
179
