Sumqayıt şəhərində avtovağzal ərazisində yerləşən ictimai nəqliyyat dayanacağının yararsız vəziyyətdə olması sakinlərin narazılığına səbəb olub.

Sumqayit.tv Oxu.az-a istinadən xəbər verir ki, sosial şəbəkələrdə yayılan görüntülərdə şəhərin mərkəzində yerləşən dayanacağın uzun müddətdir qəzalı və istifadəyə yararsız vəziyyətdə olduğu bildirilib. İddialara görə, indiyədək onun təmiri və ya yenilənməsi istiqamətində heç bir tədbir görülməyib.

Məsələ ilə bağlı Azərbaycan Yerüstü Nəqliyyat Agentliyi (AYNA) açıqlama verərək faktı təsdiqləyib.

Qurumdan bildirilib ki, sözügedən dayanacaq Sumqayıtda əvvəllər quraşdırılan dayanacaqlardan biridir və həm dayanacağın, həm də ərazidəki səkinin vəziyyəti qənaətbəxş deyil.

Qeyd olunub ki, Sumqayıt şəhərində avtobus dayanacaqları 28 noyabr 2025-ci il tarixindən etibarən AYNA-nın səlahiyyətinə verilib. Şəhərdə aparılan təhlillər nəticəsində yaxın vaxtlarda sözügedən dayanacaq da daxil olmaqla 20-dən çox avtobus dayanacağının yenilənməsi nəzərdə tutulur.

30-07-2026, 14:11 49