Azərbaycanda istehlak xərcləri ən aşağı olan ailələrdə ailə üzvlərinin sayı daha çoxdur.

Sumqayit.tv  Modern.az-a istinadə xəbər verir ki, bu barədə açıqlanan rəsmi statistikada bildirilib.

Məlumata görə, istehlak xərclərinə görə ən aşağı – birinci kvintilə daxil olan ev təsərrüfatlarında orta ailə ölçüsü 4,6 nəfər təşkil edir. İkinci kvintildə bu göstərici 4,5 nəfər, üçüncü kvintildə 4,2 nəfər, dördüncü kvintildə 3,6 nəfər, ən yüksək istehlak xərclərinə malik beşinci kvintildə isə 2,9 nəfər olub.

Statistikaya əsasən, şəhər və kənd yerlərində də oxşar tendensiya müşahidə edilir. Şəhərlərdə ən aşağı istehlak qrupunda ailələrin orta ölçüsü 4,5 nəfər, ən yüksək qrupda 2,7 nəfər olduğu halda, kənd yerlərində bu göstəricilər müvafiq olaraq 4,9 və 3 nəfər təşkil edib.

6-08-2026, 14:41 61