Sumqayıt şəhərində gecə saatlarında motosikletlərin yaratdığı səs-küy və yol hərəkəti qaydalarının pozulması ilə bağlı nəzarət tədbiri keçirilib.
Sumqayit.tv xəbər verir ki, Sumqayıt Şəhər Polis İdarəsinin Dövlət Yol Polisi Şöbəsinin əməkdaşları tərəfindən keçirilən tədbir zamanı motosiklet və digər motonəqliyyat vasitələrinin sürücüləri saxlanılıb.
Yoxlamalar zamanı bəzi sürücülərin yüksək sürətlə hərəkət etdiyi, motosikletlərin konstruksiyasına müdaxilə etdiyi, səsboğucu sistemlərində dəyişiklik edərək normadan artıq səs-küy yaratdığı müəyyənləşib.
Həmçinin dövlət qeydiyyat nişanı və müvafiq kateqoriyalı sürücülük vəsiqəsi olmadan motosiklet idarə edən şəxslər aşkarlanıb.
Aşkar olunan qayda pozuntuları ilə bağlı 30-a yaxın sürücü barəsində qanunvericiliyə uyğun tədbir görülüb.
Polis tərəfindən bildirilib ki, bu istiqamətdə nəzarət-profilaktik tədbirlər bundan sonra da davam etdiriləcək.
10-08-2026, 01:49
55
