Sumqayıtda sakinlər aylardır su problemi yaşayır – Yuxarı mərtəbələrə su çatmır
Sumqayıt şəhərinin Hacı Zeynalabdin qəsəbəsində sakinlərin su problemi davam edir.
Sumqayit.tv xəbər verir ki, qəsəbənin Şirvan yaşayış massivində yaşayan sakinlərin sözlərinə görə, problem artıq aylardır davam edir.
Sakinlər bildirirlər ki, xüsusilə isti yay günlərində günün böyük hissəsində su ya ümumiyyətlə verilmir, ya da çox aşağı təzyiqlə gəlir. Nəticədə binaların yuxarı mərtəbələrində yerləşən mənzillərə su çatmır.
Bu vəziyyətin gündəlik məişət işlərində ciddi çətinlik yaratdığını deyən sakinlər problemin tezliklə həll olunmasını istəyirlər.
Məsələ ilə bağlı İri Şəhərlərin Birləşmiş Su Təchizatı Xidmətindən bildirilib ki, ərazidən keçən su xəttində qəza baş verdiyindən suyun təzyiqi aşağı salınıb.
Qurumdan qeyd olunub ki, sakinlərin müraciəti əsasında məsələ dəqiqləşdirildikdən sonra problem istismar qaydalarına uyğun şəkildə aradan qaldırılacaq.
Ətraflı ATV
11-08-2026, 14:59
51
