Sumqayıt Narkoloji Mərkəzində metadonla əvəzedici müalicə proqramı üzrə 121 nəfər müalicə alır.
Sumqayit.tv xəbər verir ki, bu barədə Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının İşçi Qrupu məlumat yayıb.
Bildirilib ki, 2026-cı ilin yanvar-iyul aylarında Daxili İşlər Nazirliyi bütün növ sərxoşluq hallarının müəyyənləşdirilməsi məqsədilə Səhiyyə Nazirliyinin Respublika Narkoloji Mərkəzinə 54 434 nəfər istiqamətləndirib.
Onlardan narkotik vasitələrdən istifadənin müəyyənləşdirilməsi məqsədilə tibbi müayinədən keçirilən 3 778 nəfərin 1 851-nin narkotik istifadəçisi olduğu müəyyən edilib.
Məlumata görə, hazırda metadonla əvəzedici müalicə proqramı üç məntəqədə həyata keçirilir.
Beləliklə, üç məntəqə üzrə ümumilikdə 667 nəfər metadonla əvəzedici müalicə proqramında iştirak edir.
Qeyd edək ki, rəsmi məlumatda 54 434 nəfərlik göstəricinin ölkə üzrə olduğu, Sumqayıta aid konkret göstəricinin isə metadonla müalicə alan 121 nəfər olduğu bildirilir.
Sumqayıtda narkomaniyanın profilaktikası və narkotik vasitələrin qanunsuz dövriyyəsinə qarşı mübarizə istiqamətində müxtəlif tədbirlərin həyata keçirildiyi Dövlət Komissiyasının materiallarında da qeyd olunur.
17-08-2026, 18:08
68
