Avqustun 24-də saat 11:15 radələrində Bakı-Qazax marşrutu üzrə hərəkət edən avtobus yolda texniki nasazlıq səbəbindən dayanıb.
Sumqayit.tv xəbər verir ki, sərnişinlərin müraciətinə əsasən, avtobusun dayanması nəticəsində onlar yolda qalıblar.
Sərnişinlərin sözlərinə görə, məsələ ilə bağlı 141 Çağrı Mərkəzinə və Avtovağzala müraciət etsələr də, ilkin mərhələdə problemin həlli ilə bağlı tədbir görülməyib.
Məsələ ilə Sumqayit.tv-nin yaydığı məlumatdan sonra "AYNA" tərəfindən operativ şəkildə müdaxilə edilib.
Sərnişinlərin redaksiyamıza verdiyi məlumata görə, onlar hazırda yeni göndərilən avtobusla yollarına davam edirlər.
Sumqayit.tv olaraq sərnişinlərin müraciətinin qısa müddətdə həll olunmasını müsbət qiymətləndiririk.
Qeyd edək ki, ilkin material sərnişinlərin müraciəti əsasında hazırlanıb. Məsələnin həlli ilə bağlı operativ addım atılıb və sərnişinlərin yolda qalması problemi aradan qaldırılıb.
24-08-2026, 16:11
77
