“Bir ağac-min nəfəs” devizi altında keçirilən ting paylama aksiyası Ekologiya və Təbii Sərvətlər Nazirliyi və ASAN Könüllülük Məktəbinin “Yaşıl ASAN” proqramının birgə təşkilatçılığı ilə 14 dekabr 2021-ci il tarixində 4 saylı Bakı “ASAN xidmət” mərkəzinin qarşısında keçirilib.

Sumqayit.tv xəbər verir ki, ağac əkilməsinin təşviqi məqsədilə keçirilən tədbirdə könüllülər tərəfindən vətəndaşlara ağac tinglərinin əkilməsi və qulluq göstərilməsi qaydalarına dair məlumatlar da verilib.

Qeyd edək ki, tinglərin paylanılması aksiyası 15 dekabr tarixində saat 11.00-da 5 saylı Bakı “ASAN xidmət” mərkəzinin qarşısında davam edəcək. Hər kəsi təbiətə fayda verəcək bu aksiyalarda fəal iştirak etməyə, ağac əkməyə və qorumağa çağırırıq.