Qubadlı şəhər B.Mehdiyev adına 2 nömrəli tam orta məktəbə yeni direktor təyinatı olub. Təhsil naziri Emin Əmrullayevin müvafiq əmrinə əsasən, məktəbin tarix müəllimi Rəhminə Mehdiyeva bu vəzifəyə təyin olunub.
Qeyd edək ki, Rəhminə Mehdiyeva direktor vəzifəsinə işə qəbul üzrə müsabiqənin test imtahanı mərhələsində 45 bal toplayaraq müsahibə mərhələsində uğur qazanıb.
Rəhminə Mehdiyevanın babası Mehdi Mehdiyev 1989-cu ildə ermənilər tərəfindən faciəli şəkildə qətlə yetirilib. Atası - Qubadlı rayon 2 nömrəli tam orta məktəbin tarix müəllimi Bəhmən Mehdiyev isə I Qarabağ müharibəsində 26 oktyabr 1992-ci il tarixində Ballıqaya ərazisində şəhid olub.
1-02-2022, 14:53
248
