Azərbaycanda 4,5 kilometrlik Muğanlı-İsmayıllı-Qəbələ avtomobil yolunda Ağsuçay üzərindən ən uzun asma körpü tikilir. Asma körpünün uzunluğu 1135 metr olacaq. Bu yol paytaxtı İsmayıllı, Qəbələ, Oğuz, Şəki, Qax, Zaqatala və Balakən rayonları ilə birləşdirən ən qısa yola çevrilməlidir. Ağsuçay üzərindəki körpüdən sonra uzunluğu 865 metr olan yeraltı tunel tikiləcək. Muğanlı-İsmayıllı-Qəbələ yolu isə iki hərəkət zolağından dörd hərəkət zolağına qədər genişləndiriləcək.