Fevralın 27-də cari tədris ili üçün fənn olimpiadalarının respublika mərhələsinin yarımfinal turu keçiriləcək.

Yarımfinal turu Bakı şəhərində 5, Naxçıvan Muxtar Respublikasında 1 və bölgələrdə 24 mərkəz olmaqla, ümumilikdə 30 mərkəzdə təşkil ediləcək.

Olimpiada Azərbaycan dili və ədəbiyyatı, riyaziyyat, fizika, kimya, biologiya, tarix və coğrafiya fənləri üzrə keçiriləcək.

Yarımfinal turunda iştirak etmək üçün şagirdlər 14-18 fevral tarixlərində https://portal.edu.az/platforması üzərindən buraxılış vərəqəsini yükləyə və çap edə bilərlər. Buraxılış vərəqəsini əldə etməkdə çətinlik yaşanarsa, şagird təhsil aldığı ümumi təhsil müəssisəsi və ya yerli təhsili idarəetmə orqanına müraciət edə bilər. 

İnformatika fənni üzrə yarımfinal turunda iştirak edəcək şagirdlər isə 21 fevral tarixindən buraxılış vərəqəsini əldə edə biləcəklər. Sözügedən fənn üzrə imtahan martın 8-də keçiriləcək.

Qeyd edək ki, fənn olmpiadaları Təhsil Nazirliyi və Təhsil İnstitutunun birgə təşkilatçılığı, "Kapital Bank" ilə əməkdaşlıq əsasında həyata keçirilir.