Bu gün 848 saylı hərbi hissənin yarandığı gündür. 1992-ci il fevral ayının 21-də yaradılan hərbi hissə bu gün 30 illik yubileyini qeyd edir. Bu hərbi hissə Azərbaycan torpaqlarının müdafiəsinə qalxan ilk hərbi hissələrdən biridir.  Hərbi hissənin yaradıcısı, ilk və son komandiri Zahir Həsənov olub. Hərbi hissənin ərazisi Füzuli-Cəbrayıl sərhədindən Füzulinin Cuvarlı kəndinə qədər olan 23 km-lik yaşayış məntəqələrinin və kəndlərimizin təhlükəsizliyini öz üzərinə götürüb. Hərbi hissənin məşhur Məlikcan əməliyyatı, Mirzə Abayevin rəhbərlik etdiyi "osetin batalyonu"nun məhv edilməsi kimi uğurlu əməliyyatları olub. 1993-cü ildə  mühasirəyə düşən əhalinin İrana sağ-salamat keçirilməsi də hərbi hissənin adına yazılıb.1993-cü ilin noyabrında 848 saylı hərbi hissə 702 saylı hərbi hissənin tərkibinə verilib ki, Zahir Həsənov burada 848 saylı hərbi hissənin əsasında  2-ci taborun yaradılmasını təşkil edib. 05.01.1994-cü ildə isə məşhur Horadiz əməliyyatını icra edərək Füzuli rayonunun 22 kəndini və Horadiz qəsəbəsini, ümumi olaraq 30.000 kv.km ərazini işğaldan azad edib. Bu əməliyyata görə Zahir Həsənov Azərbaycanın Milli Qəhrəmanı adına layiq görülüb. Azərbaycan Bayrağə Ordenli Zahir Həsənov həm 1-ci, həm  də Vətən müharibəsinin iştirakçısıdır.  62 yaşlı Həsənov müharibədə göstərdiyi igidliyə görə "Füzulinin azad olunması", "Xocavəndin azad olunması" və "Vətən Müharibəsi iştirakçısı" medalları ilə təltif olunub. 
Hərbi hissənin yaranması münasibəti ilə başda komandir Zahir Həsənov olmaqla şəxsi heyəti təbrik edirik. Şəhidlərə Allahdan rəhmət diləyirik! Allah şəhadətlərini versin !