2022-ci ilin yanvar-fevral ayları ərzində Fövqəladə Hallar Nazirliyinin Akademiyasına paytaxtın 65, 85, 101, 154, 280 nömrəli məktəblərinin yuxarı sinif şagirdləri üçün ekskursiyalar təşkil edilib.

Ekskursiyaların keçirilməsində məqsəd şagirdlərin FHN-in, o cümlədən FHN Akademiyasının yaranma tarixi, inkişafı və fəaliyyəti barədə məlumatlandırılması, onlarda fövqəladə hallar orqanlarında xidmətə marağın yaradılması və peşə seçiminə kömək etmək olub.
Ekskursiyalar zamanı şagirdlər Akademiyada fəaliyyət göstərən Heydər Əliyev Mərkəzi ilə tanış olublar. Burada şagirdlərə Ümummilli Liderin həyat və fəaliyyəti barədə geniş məlumat verilib, Ulu Öndərin ömür yolu haqqında film nümayiş olunub.
Həmçinin, şagirdlər Akademiyanın Muzeyi, fənn kabinetləri, laboratoriyalar, Akademiyanın kitabxanası ilə tanış olublar. Şagirdlərə FHN-in fəaliyyəti, strukturuna daxil olan qurumlar, müxtəlif fövqəladə hallar zamanı davranış qaydaları haqqında ətraflı məlumat verilib, suallar cavablandırılıb.