Məşhur xanəndə Bülbülün, Şuşinskinin doğulduğu, sonuncu Qarabağ xanının qızı məşhur şairə Nətavanın yaşadığı, Aleksandr Dümanın gəldiyi, şəhərin simvolu olan Xarıbülbül çiçəyi və haqqında çox yazılan bu əfsanəvi Şuşa şəhərini görmək çox heyrətamiz oldu.

Fəaliyyət göstərən obyektlər şair Molla Pənah Vaqifin məqbərəsi, xanəndə Bülbülün evi, İcraiyyə Komitəsinin binası, meşədəki Alban kilsəsi, Qeqar məscidi ziyarət olundu.

Şuşada yaşayan bələdçi Xuraman xanım ATBA-nın bələdçilərinə tur keçdi. O, işğaldan əvvəl olan şəhərin tarixi, bu gün görülən işlər, şəhərin bərpası və görməli yerlər haqqında ətraflı məlumat verdi. Tur "Qoç ət" restoranında nahar etməklə başa çatdı. 

Biz uzun müddətdir ki, bu səfər üzərində işləyirik ki, bələdçilərimiz işğaldan azad edilmiş Şuşa şəhərini ziyarət edib öz gözləri ilə baxa bilsinlər, bu səfərin təşkil edilməsində dəstək olan Dövlət Turizm Agentliyi-nə, Prezidentin Şuşa rayonu üzrə xüsusi nümayəndəsi cənab Aydın Kərimova, Dövlət Turizm Agentliyinin Qoruqları İdarəetmə Mərkəzi-nin rəhbərliyinə, Şuşa şəhər Dövlət Qoruğu İdarəsinin əməkdaşlarına və təhlükəsiz hərəkətimizi təmin edən AAY əməkdaşlarına ATBA adından dərin təşəkkürümüzü bildiririk.