Parlamentarilərin, o cümlədən hakim “Amanat” partiyasından olanların da daxil olduğu “Jana Qazaxıstan” deputat qrupu Astananın keçmiş adının ölkənin paytaxtı Nur-Sultana qaytarılmasını təklif edib.
Bu barədə Tengrinews.kz portalı məlumat yayıb .
“İnsanın sağlığında bir şəhərin onun adı ilə çağırılmasını yanlış hesab edirik, üstəlik, xalq da paytaxtın yeni adını qəbul etməyib. Ona görə də paytaxtın keçmiş adının - vaxtilə Birinci Prezidentin təklif etdiyi Astana adının qaytarılması tarixən ədalətli olacaq. Bu qərarda Birinci Prezidentin ölkənin əsas şəhərinin formalaşmasına və inkişafına verdiyi töhfə nəzərə alınacaq, eyni zamanda vətəndaşların ehtiyac və gözləntilərinə cavab verəcək”, - deyə məlumatda bildirilir.
Bundan başqa, yuxarıda adıçəkilən deputat qrupu ölkə konstitusiyasına hətta payızda keçiriləcək növbədənkənar seçkilərdən əvvəl prezidentlik müddəti 7 il olması ilə bağlı müddəanın daxil edilməsini təklif edib. Bu, prezidentin beş ildən sonra daha yeddi il müddətinə namizəd ola biləcəyi ilə bağlı “bütün sualları və şübhələri” aradan qaldırmağa kömək edəcək.
Qazaxıstanın paytaxtı 2019-cu ildə ölkə prezidenti Kasım-Jomart Tokayevin təşəbbüsü ilə Astanadan Nur-Sultana dəyişdirilib. 2022-ci ilin yanvarında Astana sakinləri köhnə adın şəhərə qaytarılması üçün imza toplanmasına başlayıblar. Təşəbbüs isə lazımi dəstək almayıb.
Tokayev bir müddət əvvəl Qazaxıstanın adının
dəyişdirilməsini təklif etdiyi üçün səfirə irad bildirmişdi.
Mənbə:Unikal
3-09-2022, 07:50
182
